لێپرسراوی بەشی ڕاگەیاندنی ئاسایشی ڕۆژئاوای #سلێمانی# ڕایدەگەیەنێت، لەماوەی سێ مانگی ڕابردووی ئەمساڵدا 16 کەس دەستگیرکراوان، کە هەندێکیان #داعش# بوون و هەندێکیشیان ئەو کەسانەبوون کە سەر بە ڕێکخستنی چەتەکانی داعش بوون له سنووری شارۆچکەی #چەمچەماڵ#، کە بەناوی ئاواره و پەنابەرەوە هاتبوونە شارۆچکەکەوە.
ئەمڕۆ لەکۆنگرەیەکی ڕۆژنامەنووسیدا، ڕائید زمناکۆ عەلی، لێپرسراوی بەشی ڕاگەیاندنی ئاسایشی ڕۆژئاوای سلێمانی لەبینای ئاسایش لە شارۆچکەی چەمچەماڵ ئاماری سێ مانگی ڕابردووی بەرێوبەرایەتییەکەیان-ی خستەڕوو.
زمناکۆ عەلی، لە کۆنگرە ڕۆژنامەنووسیەکەدا وتی:لە سێ مانگی ڕابردووی ئەمساڵدا له سنوری شارۆچکەی چەمچەماڵ 16 کەس دەستگیرکراوان کە هەندێکیان داعش بوون و هەندێکیشیان ئەو کەسانەبوون کە سەر بە ڕێکخستنی داعش بوون، کە بەناوی ئاواره و پەنابەرەوە هاتبوونە شارۆچکەکەوەکه.
وتیشی:دەستگیرکراوەکان سیانیان ژنن، وە هەموویان ڕەوانەی دادگای چەمچەماڵ کراوان بەپێی مادەی دووی تیرۆر، لەئێستادا ڕاگیراوان.
ڕائید زمناکۆ عەلی، وتیشی:لەماوی ئەو مانگانەدا چوارکەس-یش دەستگیرکراوان، کە کاریان خەرجکردن و سپیکردنەوەی پارەی تەزویربووە و ڕەوانەی دادگای چەمچەماڵ کراوان، هەروەها چوار حاڵەتی دزیکردن هەبووە و توانیمانە لەکاتی ڕووداوەکە هەرچوارکەسەکە دەستگیربکەین.
زمناکۆ عەلی، باسی لەوەشکرد: بەهۆی حاڵەتی تەقەکردن و هەڵدانی نارنجۆک بۆ ماڵان هەشت کەس دەستگیرکراوان، هەروەها 13 کەس بەهۆی ماددەی هۆشبەر و بازرگانیکردن پێیەوە دەستگیرکراوان، سەرجەمیان ڕەوانەی دادگای چەمچەماڵکراوان و لەئێستادا ڕاگیراون.
دوارۆژ
20-06-2017
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 24,436 kertaa
Kirjoita oma kommenttisi tuote!