بەپێ ڕاپۆرتە سەربازییەکانی وەزارەتی بەرگری عێراق، تەواوی ئۆپراسیۆنی ئازادکردنەوەی #موسڵ#، بە سەرجەم قۆناغەکانییەوە (268) ڕۆژی خایاندووە و، هاوپەیمانی نێدەوڵەتیش ئاشکرای دەکات، بۆ پاڵپشتی هێزە زەمینیەکانی عێراق، لە کۆنترۆڵکردنەوەی شارەکە (20)هەزار، مووشەکیان،ئاراستەی مۆڵگە و توانا لۆجستییەکانی تیرۆریستانی #داعش# کردووە.
وەزارەتی بەرگری عێراق لە ڕاپۆرتێکیدا بڵاویکردۆتەوە ئۆپراسیۆنی ئازادکردنەوەی موسڵ، بە سەرجەم قۆناغەکانییەوە (268) ڕۆژی خایاندووەو لەو پرۆسیەشدا زیاتر لە (60) هەزار لە هێزکانی پێشمەرگە و سوپا و هێزەکانی پۆلیسی فیدڕاڵی و دەزگای ڕووبەڕبوونەوەی تیرۆر و حەشدی شەعبی بەشداریان تێداکردووە،راپۆرتەکە ئاماژەی بۆ ئەوەشکردووە، لە پێکدادانەکاندا، (16) هەزار و (450) تیرۆریست کوژراون و (180) کیلۆمەتر چوار گۆشەش لە داعش پاککراونەتەوە.
وەزارەتی بەرگری عێراق، ئەوەشی ڕاگەیاندووە لە دەستپێکی ئۆپراسیۆنی موسڵدا، زیاتر لە (یەک ملیۆن) مەدەنی لەوشارە ئاوارەبوون و لە 80%ی ژێرخانی ئابوری شارەکەش زیانی گەورەی بەرکەتووە و داڕوخاوە، هاوکات فەرماندەیی هاوپەیمانی نێودەوڵەتی دژی داعشیش لە عێراق، ئاشکرای کردووە بۆ پاڵپشتی هێزە زەمینیەکانی عێراق لە کۆنترۆڵکردنەوە شاری موسڵ و دەوروبەریدا، زیاتر لە (20) هەزار مووشەکیان ئاراستەی مۆڵگە و توانا لۆجستییەکانی داعش کردووە و بەو هۆیەشەوە (5) هەزار چەکداری داعش کوژراون
لە تشرینی یەکەمی ساڵی ڕابردوودا، حەیدەر عەبادی، فەرماندەی گشتی هێزە چەکدارەکانی عێراق، ئۆپراسیۆنی ئازادکردنەوەی شاری موسڵی ڕاگەیاند و لە سەرەتای مانگی تەمووزری ئەمساڵیشدا کۆنترۆڵکردنەوەی تەواوی شارەکەی ئاشکراکرد.
28-07-2017
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 5,429 kertaa
Kirjoita oma kommenttisi tuote!