دواڕۆژ، #عیسا عەبدولقەهار#
#وەزارەتی شارەوانی و گەشتوگوزاری# هەرێم ڕایدەگەیەنێت، لە 2017دا زیاتر لە دوو ملیۆن گەشتیار سەردانی هەرێمی کوردستانیان کردووە و ژمارەی گەشتیاران بەراورد بە ساڵی 2016 بەڕێژەی 30% زیادیکردووە، وتەبێژی دەستەی گەشتوگوزاریش دەڵێت پلانێکی ستراتیژی بۆ گەشتیاری بۆ ئەمساڵ پەسەندکرا.
رۆژی چوارشەممە 17ی کانوونی دووەمی 2018، بە ئامادەبوونی وەزیری شارەوانی و گەشتوگوزاری هەرێم لە هەولێر پلانێکی ستراتیژی بۆ کەرتی گەشتوگوزاری هەرێم لە ساڵی 2018 پەسەندکرا.
لەوبارەیەوە نادر ڕۆستی، وتەبێژی دەستەی گەشتوگوزاری هەرێم بە دواڕۆژی ڕاگەیاند بە مەبەستی بەرزکردنەوەی داهاتی گەشتوگوزار و ژمارەی گەشتیار، پلانێکی بەهێزی گەشتیاری لەلایەن نەورۆز مەولود وەزیری شارەوانی و گەشتوگوزاری هەرێم پەسەندکراوە.
وتەبێژی دەستەکە ڕونیکردەوە، پلانی 2017ی گەشتیاری هەرێم بەشێوەی گشتی بەسەرکەوتوویی جێبەجێکراوە، بۆیە دەمانەوێت لە ساڵی داهاتوودا ژمارەکە و ڕێژەی گەشتیاران زیاد بکرێت، بە جۆرێک داهاتەکەی بگاتە پێنج ملیار دیناری ساڵانە.
ئاماژەی بەوەشکرد لە ساڵی 2017دا زیاتر لە دوو ملیۆن گەشتیار ڕوویان لە هەرێمی کوردستان کردووە و لە کاتێکدا لەساڵی 2016دا ژمارەی گەشتیار یەک ملیۆن و 700 هەزار گەشتیار بووە، بەوەش ڕێژەی گەشتیاران 30% زیادیکردووە.[1]
#18-01-2018#
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 3,356 kertaa
Kirjoita oma kommenttisi tuote!