بەڕپرسێکی حکومی عێراق ئاشکرایدەکات، لەکاتی بەراوردکردنی ناوی کەسوکاری شەهیدان و قوربانیانی دەستی تیرۆردا، 860 ناوی دووبارە هەبووە کە لە هەردوولا موچەیان وەرگرتووە، هاوکات باسی چەند کێشەیەکی هونەری دەکات لە نێوان هەردوولادا.
تارق مەندەلاوی، بەڕێوەبەری گشتی شەهیدان و قوربانیانی دەستی تیرۆر لە دەزگای شەهیدانی عێراق ئەمڕۆ سێشەممە 13ی شوباتی 2018 بە دواڕۆژی ڕاگەیاند، لە چوارچێوەی یاداشتی لێکتێگەیشتنی نێوان هەردوو دەزگای شەهیدان و قوربانیانی دەستی تیرۆر و وەزارەتی شەهیدان و ئەنفالکراواندا، ناوی 860 کەس دۆزراونەتەوە کە لە هەردوولا موچەیان وەرگرتووە.
وتیشی ئەوانە زیاتر کوردانی فەیلی و ئه و خێزانانەن کە ناوچە جێناکۆکەکانی وەک کەرکووک و سەڵاحەدین و دیالە و موسل دانیشتوون.
روونیشیکردەوە، ئێمە ئەوانەمان سەرپشککردووە، کام دەزگا هەڵدەبژێرن بۆئەوەی موچەی لیوەرگرن، بەڵام دەبێت سەرەتا موچەکەی ئەولا ببڕن، دواتر لەم لاکەی تر مامەڵەی تەواو دەکەینەوە.
ئه و بەڕێوەبەرە ئاشکراشیکرد، کێشەیەکی هونەریمان هەیە، ئەویش نووسینی هەندێک لە ناوەکانە لەلایەن وەزارەتی شەهیدان و ئەنفالکراوانەوە بە کوردی، ئەوەش ئیشکال دروستدەکات لە بەراوردکردنی ناوەکان بەیەکجاری و جیاکردنەوەیان.[1]
#13-02-2018#
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 3,351 kertaa
Kirjoita oma kommenttisi tuote!