دواڕۆژ، #زریان محەمەد#
کۆمەڵەی گێڵگە پەلەوەرییەکان ڕایدەگەیەنن کە لە توانایاندایە، بە دوو مانگ جارێک 12ملیۆن مریشک بەرهەمبهێنن و داواش دەکەن کێشەکانیان بۆ چارەسەر بکرێت و بازاڕیان بۆ بدۆزنەوە.
نازم عەبدووڵا، جێگری سەرۆکی کۆمەڵەی کێڵگەپەلەوەرییەکان لە کۆنگرەیەکی ڕۆژنامەوانیدا، کە ژووری بازرگانی و پیشەسازیی #سلێمانی# ئەمڕۆ سێشەممە 7ی ئاب بەڕێوەچوو ڕایگەیاند کێڵگەپەلەوەرییەکان کێشەیان زۆرە داوامان لە ژوور کردووە کە پشتیوانیمان بکات، لە زیادبوونی بەرهەمی ناوخۆی، کە =KTML_Bold=لە ئێستادا دەتوانین پێداویستی هەموو کوردستان پڕکەینەوە، بەڵام هاوکاریمان ناکرێت لە ساغکردنەوەی لە بازاڕەکاندا=KTML_End=.
ڕاشیگەیاند ئێمە دەمانەوێت ڕێگری لە هاوردەکردنی مریشکی بەستووبکرێت و هێنانی عەلەف لە ئێرانەوە ڕێگای پێبدرێت، بەمەش دەتوانین کێشەکانمان چارەسەر بکەین.
هاوکات سیروان محەمەد، سەرۆکی ژووری بازرگانی و پیشەسازی سلێمانی لە کۆنگرە ڕۆژنامەوانیەکەدا وتی دوای ئەوەی کێڵگەپەلەوەرییەکان توشی زیانێکی زۆربوون بەهۆکاری ڕێگری حکومەتی ناوەندی کە نەیدەهێشت مریشک بڕوات بۆ خواروی عێراق و هاتنی مریشکی بەستوو کەبەردەوام لەووڵاتانەوە دێت زیانی زۆری بە بەرهەمی ناوخۆی و مریشکی کێڵگە پەلەوەرییەکان گەیاندووە و کێڵگەکان توشی زیانی زۆربوون.
سەرۆکی ژووری بازرگانی سلێمانی ئاماژەی بەوەشدا داواکاریەکانیان دەگەیەننە لایەنی پەیوەندیدار و هەموو پشتیوانیەکیان دەکەن لە زیادبونی بەرهەمی ناوخۆی و ساغکردنەوەی بەرهەمەکانیان.
بەوتەی سەرۆکی کۆمەڵەی کێڵگە پەلەوەرییەکان لە سلێمانی 698 پرۆژە پەلەوەر هەیەم کە 60 ڕۆژ جارێک نزیکەی 12 ملیۆن مریشک بەرهەم دەهێنن، کە بەشی پێداویستی ناوخۆدەکات.[1]
#07-08-2018#
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 1,921 kertaa
Kirjoita oma kommenttisi tuote!