دواڕۆژ، سامان قوبادی
بەهۆی ئەنجامدانی سەرپێچی لە ڕۆژانی جەژندا 120 ئامێری جۆراوجۆری قەساب و فرۆشیارەکانی ئاژەڵ دەستی بەسەردا گیراوە، لێپرسراوی بەشی خزمەتگوزارییەکان-یش لە شارەوانی #سلێمانی# ڕایدەگەینێت ژمارەی تابلۆی ئه و ئۆتۆمبیلانە نێردراوە بۆ بەڕێوەبەرایەتی هاتووچۆ تاوەکو غەرامە بکرێن.
رزگار ئەحمەد، لێپرسراوی بەشی خزمەتگوزارییەکان لە سەرۆکایەتی شارەوانی سلێمانی بە دواڕۆژ-ی ڕاگەیاند لە ڕۆژانی جەژنی قورباندا لەگەڵ لیژنە هاوبەشەکانی قایمقامیەت و پۆلیس و بەشی خزمەتگوزاریەکان لە شارەوانی، بە سێ تیمی جیاواز ئه و کەسانەی لە شوێنە گشتییەکان ئاژەڵیان فرۆشتووە یان سەریان بڕیوە لێپێچینەوەیان لەگەڵدا کراوە، دەست بەسەر کەلوپەلەکانیاشیاندا گیراوە.
لێپرسراوی بەشی خزمەتگوزارییەکان ئاشکراشیکرد، 120 ئامێری جۆراوجۆری فرۆشیاری ئاژەڵ و قەساب دەستی بەسەردا گیراوە کە لە شوێنی گشتیدا هەڵساون بە فرۆشتن و سەربڕینی ئاژەڵ، هاوکات بۆ ئەوەی کێشەی کۆمەڵایەتی لەنێوان قەساب و فرۆشیارەکان لەگەڵ چاودێرەکان دروست نەبێت ژمارەی تابلۆی چەندین ئۆتۆمبێلمان نوسیوە و ناردومانە بۆ بەڕێوەبەرایەتی هاتوچۆی سلێمانی تاوەکو غرامە بکرێن.
ناوبراو ئەوەشی خستەڕوو، زۆربەیان لە ئێواراندا پاش تەواوبوونی دەوام سەرپێچییان کردووە، بڕی غەرامەکانیان لە 200 هەزار-ەوە دەستپێدەکات بۆ 600 هەزار دینار.[1]
#24-08-2018#
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 2,218 kertaa
Kirjoita oma kommenttisi tuote!