دواڕۆژ، نوسینگەی #هەولێر#
دەستەی گەشتوگوزاری هەرێمی کوردستان ئاشکرایدەکات: لە ماوەی سێ ساڵدا زیاتر لە 8 ملیۆن گەشتیار ڕوویان لە هەرێمی کوردستان کردووە و ژمارەی گەشتیارانیش لە ساڵی 2018دا بەراورد بە ساڵەکانی 2016 و 2017 زیادیکردووە.
بەپێی ئامارەکانی دەستەی گەشتوگوزاری هەرێمی کوردستان: لە ساڵی 2016 و 2017دا نزیکەی پێنج ملیۆن و 600 هەزار گەشتیار لە پارێزگاکانی ناوەڕاست و باشووری عێراق سەردانی هەرێمی کوردستانیان کردووە و لە ساڵی 2018دا زیاتر لە دوو ملیۆن و 800 هەزار گەشتیار هاتوونەتە کوردستان.
نادر ڕۆستی، وتەبێژی دەستەی گەشتوگوزاری هەرێمی کوردستان بە دواڕۆژی ڕاگەیاند: ساڵی ڕابردوو بەهۆی بارودۆخی سیاسی تەنیا 55 هەزار گەشتیار لەم وەرزەدا سەردانی کوردستانیان کردبوو، بەڵام لەمساڵدا ئه و ڕێژەیە بەرزبووەتەوە، چونکە بارودۆخی ئەمساڵ زۆر لەبارترە بۆ هاتنی گەشتیاران و بارینی بەفر و کەشوهەوای زستانیش لەبارە، بۆیە چاوەڕێ دەکەن ئەمساڵ ڕێژەی هاتنی گەشتیاران بەراورد بە ساڵی ڕابردوو دوو بەرامبەر بێت.
روونیشیکردەوە: زیاتر لە 100 کۆمپانیا لە هەرێم کاریان کردوە بۆ هێنانی گەشتیار لە ناوەڕاست و خوارووی عێراق و وڵاتی ئێران و ڕۆژئاوا، پێشبینیشدەکرێت لە چەند ڕۆژی داهاتوودا هاتنی گەشتیار زیاد بکات.
ئاشکراشیکرد: تەنیا لەسەری ساڵدا 54 هەزار گەشتیار هاتوونەتە هەرێمی کوردستان و زۆربەی مۆتیڵ و گوندە گەشتیارییەکان پڕبوون.[1]
#02-01-2019#
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 2,617 kertaa
Kirjoita oma kommenttisi tuote!