لە بەیاننامەیەکدا تەڤگەری ئازادیی لە بادینان، هێرشەکانی دەوڵەتی تورک لە سنووری دێرەلووک شەرمەزار دەکات و ڕاشیدەگەیەنێت، تەنها لە سنووری #ئامێدی# سەر بە پارێزگای #دهۆک#، دەوڵەتی تورک 23 هاوڵاتی مەدەنیی کۆمەڵکوژ کردووە.
دەربارەی هێرشی فڕۆکە جەنگییەکانی دەوڵەتی تورک لە دێرلووک-ی سەر بە پارێزگای دهۆک لە 23ی ئەم مانگەدا، کە لە ئەنجامیدا چوار هاوڵاتی شەهیدبوون و دووانی دیکەش بێسەوشوێنن، تەڤگەری ئازادیی کۆمەڵگەی کوردستان-هەرێمی بادینان، لە بەیاننامەیەدا هەڵوێستی خۆی پیشاندا و هێرشەکانی شەرمەزار کرد.
لە بەیاننامەکەدا وێڕای سەرەخۆشیکردن لە بنەماڵەی شەهیدان، تەڤگەری ئازادیی ڕایگەیاندووە:ئێمە وەکو دەستەی بەڕێوەبەریی تەڤگەری ئازادیی کۆمەڵگەی کوردستان- هەرێمی بادینان، هێرشی دەوڵەتی تورک-ی داگیرکەر لەسەر گەلەکەمان لە بادینان شەرمەزار دەکەین، کە تائێستا تەنها لە سنووری ئامێدی 23 هاوڵاتی مەدەنییان شەهید کردووەو چەندینیشیان بریندار کردووە.
دەربارەی کۆی هێرشەکانی دەوڵەتی تورک و شەهیدکردنی هاوڵاتیانی دێرەلووک لە 23ی ئەم مانگەدا، تەڤگەری ئازادیی لە بادینان داوا لە نەتەوە یەکگرتووەکان، حکومەتی عێراق و هەرێمی کوردستان دەکات، کە دژی کۆمەڵکوژییەکانی دەوڵەتی تورک لە بادینان چیتر بێدەنگ نەبن و سنوورێک بۆ دەستدرێژییەکانی دەوڵەتی تورک دابنێن.[1]
#26-01-2019#
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 3,344 kertaa
Kirjoita oma kommenttisi tuote!