بەناوی خودای بەخشندە و میهرەبان
ئەمڕۆ سی و پێنج ساڵ بەسەر بوردومانی (ئۆردوگای زێوە) تێدەپەڕێت. لە 9ی حوزەیرانی 1985دا ڕژێمی بەعسی عێراق بە هەشت فڕۆکەی سیخۆ بە شێوەیەکی دڕندانە ئۆردۆگا و پەنابەرانی زێوەی بوردومان کرد و ژمارەیەکی زۆر ژن و منداڵی بێ تاوانی شەهید کرد.
کارەساتی زێوە یەکێکە لە لاپەڕە ڕەشەکانی دەوڵەتی عێراق و هیچ کاتێک لە یاد ناچێت. ڕژێمی بەعس بە ئەنفال و گرتن و ئاوارەکردنی خەڵکی کوردستان نەوەستا و تاوانی دڕندانەی زێوەشی ئەنجام دا. هەر کەسێک ناڵەی برینداران و جەستەی لەتلەتکراو و سووتاوی شەهیدانی زێوەی دیتبا، زۆر بە باشی دڕندەیی ڕژێمی ئەو کاتی عێراق و مەزڵوومییەتی گەلی کوردستانی بۆ دەردەکەوت.
لە هەمانکاتیشدا، خۆڕاگری و قارەمانێتیی پەنابەرانی زێوە و دایکە ئامینا و سەدان نموونەی تری گەلی کورد، پەیامێکی ڕوون بوو بۆ هەموو لایەک کە دوژمن چەندە دڵڕەق و پڕچەکیش بێت ناتوانێ ڕێ لە ئیرادەی ئازادیخوازیی گەلی کورد بگرێ و سەرشۆڕ و تێکشکاو دەمێنێتەوە.
لەو یادە دڵتەزێنەدا سڵاو بۆ گیانی شەهیدانی سەربەرزی زێوە و هەموو شەهیدانی ڕێگەی ئازادی و سڵاو بۆ گیانفیدایی و ئازایەتیی گەلی کوردستان.
مسعود بارزانی
#09-06-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 2,209 kertaa
Kirjoita oma kommenttisi tuote!