عەبدوڵڵا فەتحوڵڵا کاوێس مەلاک لە دایکبووی (01-07-1929) ی گوندی #ئیلنجاغی گەورە#ی شارەدێی #تەقتەق#ی #کۆیە#، جوتیار و زەحمەتکێش و کاسب بووە، دوکانداری و بازرگانێکی بچووک بووە و کەلوپەلی لەنێوان وراتی کۆیە و #کەرکووک# و#پردێ# بە پشتی گوێدرێژ و ولاغەبەرزە ئالوێرکردووە و گواستۆتەوە و ساغی کردووەتەوە، خەڵکی گوندەکانی دەوروبەری ئیلنجاغی گەورە هاتوون لە دوکانەکانی مام عەبدوڵڵا شت و مەک و پێداویستییەکانیان لێ کڕیووە، بەهۆی قسەخۆشەکانی زۆر کەس لەدەوری کۆدەبوونەوە و قسە و گفتوگۆی نەستەق بووە و تا ئێستاش لەنێو خەڵکی ئاوایی و ناوچەکە وتەکانی بەنموونە دەهێننەوە، بە کۆششی خۆی نەوەکانی پەروەردە کردووە و هەستێکی نیشتمانپەروەرانە و نەتەوایەتی لە دڵ و دەرووندا ڕوواندوون، یەکێک لە قسە نەستەقەکانی لەسەر زاری چەند شایەد حاڵێک دەگێڕنەوە کە هەموو کات دەیووت: (ڕۆژێ دێت سەدام حسێن لەناو قەفەس دەکرێت و دادگایی دەکرێت) لە دوای پڕۆسەی ئازادکردنی ئێراق ساڵی 2003 ئەوە هاتە جێ و سەدام و دارودەستەکەی لەناو قەفەسی زیندان و لە بەردەم دادگا بینران و لەدار دران.
ماوەیەک وەکوو جوتیارێکی پێشکەوتوو لە یەکێتی جوتیاران کاری کردووە، هەرچەندە خوێندەواری نەبووە، هەر لەبەر ئەوە بوو ئەو کاتەی لە کۆمەڵەی هەرەوەزی بوو ساڵی (1958-1963) ڕۆڵی سەرەکی هەبوو لە داواکاری و هێنانەوەی فەرمانی درووستکردنی بینایەکی نموونەیی لە سنوری کۆیە و دەوروبەری بۆ گوندی ئیلنجاغی گەورە، لەکۆی176گوندی سنوری کۆیە، تاکە گوند بوو بینایەکی لەو شێوەی بۆ درووست بکرێت و هەر لەو بینایەدا کوڕە گەورەکەی (نووری عەبدوڵڵا فەتحوڵڵا)ی پێگەیاند و ساڵی (1968) بووە یەکەم خوێندکاری ئەو (176)گوندە لە زانکۆی بەغدا، کۆلێژی پەروەردە، بەشی مێژوو وەرگیرا، مام عەبدوڵڵا نموونەی دڵسۆزیی و زەحمەتکێشی کوردە، لە تەمەنی (68) ساڵیدا لە ڕۆژی (#07-04-1997#) کۆچی دوایی کردووە و لە گۆڕستانی شەهیدان (عارەبیان) لە کۆیە بەخاک سپێردراوە.[1]
Tämä tuote on kirjoitettu (کوردیی ناوەڕاست) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 2,962 kertaa
Kirjoita oma kommenttisi tuote!