#بېسارانی#
شیرین بەڵا کەرد، شیرین بەڵا کەرد
ڕۊی عەزم جەزم شۊر و بەڵا کەرد
سوپای سام نە دەور دیدەش وەڵا کەرد
نەبەردی یەزید ڕۊی کەربەلا کەرد
پۊشا بەرگی ساف سېیای غەزەبناک
دڵ جە ڕەحم و ڕای ڕەزای خوڎا پاک
فەرمان دا قەتڵ دیدەی بېخەوان
نەفەس ناڵینان، چەم چۇن سەراوان
یەکێشان من بیم بە یەک دېیانێ
شېیەنم نە دڵ هەزار پەیکانێ
کەسێ سوپای سام دیدەش بەی تەور بۊ
ئەر زوڵفش پەخش بۊ، مەبۊ چ تەور بۊ؟
[1]