دوای بڕیارەکەی دادگای پاریس و راگرتنی هەناردەکردنی نەوتی هەرێمی کوردستان لە ڕێگەی تورکیاوە، لەپێناو داهاتووی میللەتەکەمان و ڕێگریکردن لە درووستبوونی گرفت و قەیرانی گەورە، کاتی ئەوەیە بڕیارە درووستەکە بدرێت. کۆمپانیای سۆمۆ نەوتی هەرێمی کوردستان بفرۆشێت و کۆی داهاتی نەوت لە سەرتاسەری ئێراق بچێتە یەک خەزێنەوە.
پشکی هەرێمی کوردستان لە بودجە و داهاتی ئێراق دیاری بکرێت و مووچەی فەرمانبەر و خانەنشینانی هەرێم گەرەنتی بکرێت. سیستەمی بەنزین، نەوت و گازوایلی هەرێمی کوردستان ببەسترێتەوە بە ئێراق و بەهەمان نرخ بدرێتەوە بە هاووڵاتییان. نوێنەری هەرێمی کوردستان لە کۆمپانیای سۆمۆ و کۆی سیستەمی نەوت و غازی ئێراق هەبێت و بەشێکبن لە بەڕێوەبردن و بڕیاردان.
#یەکێتیی نیشتمانیی کوردستان# ساڵانێکە هەوڵ بۆ ڕێککەوتن لەگەڵ #بەغدا# و کۆتاییهێنان بە ناکۆکییەکان دەدات. بیرکردنەوەی درووست، هەماهەنگی و کاری پێکەوەییە نەک دوورکەوتنەوە و قووڵکردنەوەی کێشەکان. ناکۆکییە ناوخۆییەکان و تاکڕەوی، قەوارەکەمان لاواز دەکات و هەرێمەکەمان دەخاتە مەترسییەوە نەک کاری هاوبەش و داواکردنی مافەکانمان لە بەغدا. یەکێتیی نیشتمانیی کوردستان ڕووبارێک خوێنی لەپێناو سەربەرزی و سەرفرازیی کوردستان ڕشتووە و هیچ هێز و لایەنێک لە خۆمان بە دڵسۆزتر نازانین بۆ کوردستان و بەدیهێنانی بەرژەوەندییە باڵاکانی. هەر بۆیە هەنگاوی لۆژیکی و بەرپرسیارانە، ڕێککەوتنە لەگەڵ بەغدا و دەستەبەرکردنی مافەکانمانە. [1]
#بافڵ تاڵەبانی#
سەرۆکی یەکێتیی نیشتمانیی کوردستان
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 428 kertaa
Kirjoita oma kommenttisi tuote!