شنۊی سەحەر خېز
بەشۍ یەرەمە
میرزا ئۆلقاڎر، نامۍ یاگەکا بە شەماڵی مشناسۊ، یۊ دمای یۊی، داوەش جە شەماڵی ئانەن کە سەرشارە گوزەرکەرۊن و لابڎۊ چەنەشان، هەواڵشان بارۊوە پەی میرزای.
هەر جە (بېستوون) تا وڵات (کۊ)
های شەماڵ یە گشت دیارەن وە تۊ
ئانا مەوینی (ئاتەژگا) و (ویراش)
(ڕەزڵە) تا (هېڵاو) (گەردە) و (باڵاتاش)
(گەزەن) کەمەرەن دیارگەی (ڕوان)
گنە سەربەرزان (کویڵە) و (ماکوان)
(ڕیزە) و (سارابەند) تا بەرد (زەنجیر)
(چاڵاو) (چڵنی) (دەرەتوو) و (لەقاوگیر)
سەرچەمەی (شارا) (گریوە) و (سەریاس)
(بن‌بەرد) و (مەرین) (مزرە) و (مەسکەناس)
(میویە) (مەیگۆڕی) تا (میشی نەردان)
پۊرت خاڵ خاسان جای گەردن زەردان
هەوارگەی کۊڵ‌بەند هەردی (سەرپاسار)
(گاڕا) و (بەنادۆڵ) (شەکەلی) و (بیار)
چەمەی (دووریسان) کۆی (وەهارانە)
(ملەبراڵو) (گجی شوانە)
(بازی شیخ حەسەن خانگای) خاسان
مەنزڵگای سادات خوڎاشناسان
(بن بەردە) و (سیوی) (تەرکوچی) و (گاوەڵ) (1)
(هانەساو) و (رژ) (پوینە) و (ملەخوەڵ)
باغات ڕەنگین موڵک (پاوە) شار
جای سەیر یاران شۊخ شەم ڕوخسار
شاخەی شەتاوان هەواری (بیمیر)
جەبەڵ جەبەڵان (سەردەرەی) دڵگیر
(گەنەڵە) و (شاوین) (چادرگا) و (چاوا)
(سەربازی) و (دەربەند) (دیڵی) و (میراوا)
(ملەگای مەسناو) چیەی (میرخەسرەو)
خەیاڵم ئېدەن بېیەن ئەو ..
کانی (کەڕیسان) تا (تەڵان قەمەر)
شفتی (هەفت کەشان) هەردی (مەڵندەر)
(زازو) بەرزەڵنگ) تا کۆی (شانشین)
وەفر خاڵ‌خاڵەن چنوورش چین‌چین
(سیملە) و (زاوڵی) هەتا (سەرباوەر)
نەحیەی (گاقڕان) تا (قەمی جاوەر)
(کەلیان کەلیانان) (کۊڵە) و (کۆیمەکاڵ)
تا ڕۊی قیامەت هەر هام نە خەیاڵ
دووریشان ئاییر نە جەرگم وەردان
شەماڵ ئاخیز کەر وەرنە ها مەردان.[1]