نامۍ بابەتۍ: هێڵەو هەڵۆی
جۊرو بابەتۍ: داستانە
نویستەی: شارۊ
کابرێوە هېڵەو هەڵۆیێوەش ئېستەو و نیاش دلېو کولینۍ کەرگێوە.
هەڵو چنی جووجەڵەکا جە هېڵەی بەرئاما و چنیشا گۆرە بی.
گرڎوو ژیوایش، ئا هەرمانا کەرۍ کە کەرگەکا تەری کەرېنېشا. پەی ئېستەیەو کرما و جڕ و جانەوەری وېکلەی. هۆڵۍ دۍ و قودقود کەرۍ و بڕیە وەختێ دەس و پا دۍ وەنە، تاکو کەمیە هەوانە فڕیۊ.
چن ساڵێ وېیەرد و هەڵو فرە پیر بی. ڕوێشا پەلەوەرێوی فرە گۆرە و بە شکۊ و شەوکەتش دی کە سەرو سەرەیشەو و بەرزای ئاسمانی هۆرئېوە باڵۍ شانۍ، ئاڎ بە توزقاڵێوە جم وجووڵ، خیلافوو وای، ئاسمانەو باڵۍ شانۍ.
هەڵوی پیر، بە سەرسوڕمانەو تەماشاش کەرد و پەرساش: ئینە کېن؟
هامساکەش جواوش داوە: ئینە هەڵون، سوڵتانوو پەلەوەران.
ئاڎ هنوو ئاسمانین و ئېمە هنوو زەمینی.
هەڵو پېسە کەرگێوە ژیوا و پېسە کەرگێوە تۊپا. چوون پاسە زانۍ کەرگەنە.

ئینە ئېمەنمۍ ژیوای وېما وەشکەرمۍ، نمازدۍ فەزاو دەور و وەری، شمە بە تەمامی فاڕۊ.
وەختێ واران موارۊ، گرڎوو باڵدارا ڕوەو پەناگا فڕیا، بېجگە هەڵوی کە پەی دوورەو بېیەی جە وارانی، سەرتەر جە هۆرەکا فڕیۊ.
تەنگ و چەڵەمەو ژیوای پەی گردیما هەن، بەڵام جۊروو وەرانوەری چنی گرفتەکان کە مەبۊنە هۊو جیاوازی.
ژیوایەنە پېسە هەڵوی بەرزەفڕ بە.[1]