دەستت بە کەوگیر بی، چاوت لە فەقیر بی
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (دەستت لە کەوگیر بی، چاوت لە فەقیر بی)، کەوگیر، شێوەی کەوچکێکی گەورەی هەیە کلک درێژە و سەرەکەی پانی کونیلەدارە، بۆ تێکردنی هەموو پڵاوێکی وەکوو (برنج و ساوار و قەرەخەرمان و گەنمەکوتاو و...تاد) بەکاردەهات، ئەو کەسانەی لە بۆنەکانی مەولود و زەماوەند و پرسەکاندا کەوگیریان بەدەستەوە بوو، بەکابانی سەرەکی دابەشکردنی پەراو-پڵاوەکە دادەنرا، دەبووایە چاوی هەموو میوانان و ئامادەبووانی بدیبووایە، ئەوە بووە بە ئیدیۆم بەکەسێکی خواپێداو و دەوڵەمەند، کە خودا ئەمڕۆ شتێکی پێدابێت بۆ ئەوەی ئاوڕ لە هەژاران بداتەوە دەوترێت: دەستت لە کەوگیر بی، چاوت لە فەقیر بی. [1]
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 22 kertaa
Kirjoita oma kommenttisi tuote!