ناڤ: جان
ناسناڤ: جان تۆماس
ناڤێ باب: تۆماس
ڕوژا ژدایکبوونێ: #04-04-1947#
ڕوژا وەغەرا دوایی: #06-07-2023#
جهێ ژدایکبوونێ: #کۆیە#
جهێ وەغەرا داویی: کوردستان- #عەنکاوە#
$ژیاننامە$
هونەرمەندێ خودان شیان د بوارێ موزیکا کوردی دە جان یێ بەرنیاس ب جان تۆماس ل ڕۆژا (04-04-1947) ل باژێڕێ کۆیە یا باشوورێ کوردستانێ ژدایک بوویە، ژبو خوەندنا خوە یا سەرەتایی و ناڤەندی هەر ل باژێڕێ کۆیە بییە و هەر ل ور تمام کرییە، ژبو خوەندنا ئامادەیی دهێتە باژێڕێ #هەڤلێر#ێ و باوەڕناما خوندنگەهێ لڤی باژێڕەی بدەست خوە ڤە ئیناندییە و ژبو درێژەدان ب خوەندنا خووە بەرەف باژێڕێ سلێمانی یێ کۆچ کرییە و ل پەیمانگەها مامۆستایان یا ڤی باژێڕەی هاتییە وەرگرتن و باوەڕناما پەیمانگەهێ بدەست خوەڤە ئیناندییە.
هنەک ژ چاڵاکیێن هونەرمەند جان تۆماس:
ل ساڵا 1966 هەیا ساڵا 1968 تەڤی هونەرمەندێن تیپا موزیکا سلێمانی یێ کارێ هونەری کرییە.
ل ساڵا 1972 هەیا ساڵا 1974 ئەندامێ دەستەیا بڕێڤەبرنا تیپا موزیکا باواجی یا کۆیە بوویە.
ل بوهارا ساڵا 1974 بەرهەڤی و پشکدارییا ئێکەمین میهرەجانا هونەری یا کوردی ل باژێڕێ بەغدایێ کرییە.
ل ساڵا 1976 هەیا ساڵا 1979 تەڤی ماموستا (#یوسف باکووری#) دامەزرێنەرێ تیپا موزیکا (جۆزیف تریۆ) بوویە.
ل ساڵا 1977 هەیا ساڵا 1980 ئەندامێ دەستەیا ڕێڤەبەرییا تیپا موزیکا هونەری یا هەڤلێرێ بوویە.
ل ساڵا 1980 هەیا ساڵا 1984 سەرپەرشتارێ تیپا موزیکا خانزاد بوویە.
ل هەمی چالاکی و میهرەجانێن چالاکی یێن قوتابخانەیان ل کوردستان و ئیراقێ پشکدارییەکە بەرچاڤ هەبوویە.
هونەرمەند جان تۆماس ل ساڵا 1976 ل ڕێڤەبەرایەتییا چالاکی یێن قوتابخانەیێن هەڤلێرێ هاتییە دامەزراندن.
ئەندامێ دەستەیا کارگێڕی یا ئۆرکێسترایا کوردستانێ بوویە.
سەرپەرشتیارێ پەروەردەیی بییە و ل ساڵا (1977) بوویە ئەندامێ سەندیکایا هونەرمەندێن کوردستانێ لقا هەڤلێرێ و هەروەسا ل ساڵا (2001) بوویە سەرۆکێ لقا هەڤلێر یا سەندیکایا هونەرمەندێن کوردستانێ.
پشتی دەمەکێ درێژ ژبو خزمەتا هونەر و موزیکا کوردی ب ئەگەرێ نەخوەشیێ ل رێککەفتا 06-07-2023 و ژیێ 76 ساڵیدە ل ناحیا عەنکاوە یا سەر ب باژێڕێ هەڤلێڕێ وەغەرا داویێ کر.[1]