قەولێ سلاڤا مەلکێ کەریم 2
ب دەستوری خودێ
هنجی گریڤانێ حەقیێ ل ستۆیە
خەبەرا خام و نووره
“ جە‌ژ بنێتە” رەبێ تو ب چۆوە
* * *
سەدەق ئەو نەفەس وه بو
هنجیێ هاژ مەعنیێ دینێ خوە دبوو
ڕەجا معریفەتێ ل با فەقیری دبوو
* * *
فەقیریە ب زۆرە
هنجيێ نەفسا وییە ژۆرە
ئه و زوو دکەفته سەر بۆرە
* * *
هنجیێ نەفسا وی یە ل خوارە
سڕا میر هەبت ل کنارە
ئه و ماشێ میرێ خۆ ب حەق دخوارە
* * *
هنجیێ ب حەرامی بجۆتن ماشە
دێ ب چەپلێ وی گری هاڤێژنە پاشە
رۆژا ئاخرەتێ ژ دیوانا جندیا دووری حاشە
* * *
ڕۆژا ئاخرەتێ دووری مالا ئادیانە
مالائادیا لێ نا پرسه
نه بزارە ، نه بزمانه
* * *
نە ب زۆرە ، نه ب ژاره
تو ژبلندیی وەره خاره
ڕێیا ڕاستیێ دیارە
* * *
نەفسا بلند نه رێزانە
ڕاستی رۆنایا دلانە
جەبلێ گرتی مەکانه
* * *
ڕاستی و مەعریفەته
هنجی جانێ ب تەربیەته
ئه و ڕوحه ل بەر پەدشایێ خۆیە ب عزەتە
* * *
ڕاستی بنیان خاسه
سه حەت بت وارێ خاسه
ڕێیا ئیمانا خۆ بناسە
ئه و روحه لبەر پەدشێ خۆ گەلەکی خاسە
* * *
ڕاستی بنیان زێرە ب وان جندیارا دگێرە
دایم معامەلەتا وان ب خودێ رە
* * *
بێژمە وە ژ بنێنە
هەموو ژ مەعنێنە
هەموو ژ نەقلێنە
* * *
بێژمە وە ساقی
شرۆڤە بکەن قەحفی
دڤێ دایم بۆرێ وە یی ب لغاڤ بی
* * *
بۆرێ حور لغاڤ کن
ڕێیا قەنج چاک کن
ل میرێ خوە سلاڤ کن
* * *
ژ بۆرێ ڤەبە وەکی هەرە
لغاڤێ راستی بدە سەرە
خودانێ بۆری سەر پشتا وی گۆیکەرە
* * *
بێژمە وە گەلی سونیا
هنجیێ مەزن مەیدانا مەلەکا بناسیا
ئەوی هوون کر ب مەعنیا
* * *
هنجیێ مەزن مەیدانا مەلەکا بناسە
ئه و دیوارەکی ژ ئەساسه
ئەو ڕوحەکه ، لبەر پەدشایێ خوە گەلەکی خاسە
* * *
فەقیری کو نووه
خەبەره خام و نووه
گەیژ نینه دەڤێ وییا رەبی تو بچووە
* * *
فەقیری ئەرکانەکی چێیه
دەروێشەکم خۆڤە کێیە
دایم باقی ئیک خودێیە
ئەم د کێمین خودێ یی تەمامە. [1]