سەر کزی دڵ وریا
بڕێ کەسۍ هەنۍ بە سیما فەقیرۍ و بۍ دەنگېنۍ، فرە بەر و چوەریۍ نمەکەران، پاسە مەگنا وەرچەماو خەڵکی کە هیچ نمەزانا، گېژۍ و کزېنۍ، بەڵام ڕاسیەکەش دلېنە پاسنە نېیەن، فرە وریێنۍ، ئاگاشا جە چواردۆرو وېشان هەن، ویرشان تیژەن، خەڵکی مەشناسان، بەڵام ئیتر سرووشتشان چامنەن.
ئا بارو ژیوایە کە چا کەسانە هەن بېیەن بە ئیدیۆمێ و ماچاشۆ. پەی نموونەی دلۍ کۊنیشتێنە چن کەسێ خەریکۍ واتە و گۊشگېرتەینۍ، یۊشان دلېشانە فرە قسۍ نمەکەرۊن، زیاتەر گۊش دارۊن، ئەجۊشان هیچ نمەزانۊ و فەقیرەن، بەڵام کەسێ دلېشانە مشناسۊش و ماچۊ: کورە برا ئانە فەقیر نیا، سەر کزی دڵ وریان.
یام چن ژەنێ چەنی پیېوە فەقیری مەگنا واتە و واچ، ئەجۊشا گېژ و فەقیرەن، بەڵام ئاڎ دڵەنە چڼەها ویرۍ مەیان خېیاڵشەرە، تەماشەشا کەرۊن، دڵش مڎۊ وەنە پەیشان.[1]
Tämä tuote on kirjoitettu (هەورامی) kieli, klikkaa kuvaketta
avata kohteen alkukielellä!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Tämä tuote on katsottu 312 kertaa
Kirjoita oma kommenttisi tuote!