#نێچیرڤان بارزانى# سەرۆکى هەرێمى کوردستان ڕایگەیاند، کۆبوونەوەکانى #پارتى دیموکراتی کوردستان# و #یەکێتیی نیشتمانیی کوردستان# کۆبوونەوەى باش بوون و هیوادارین ئەنجامى هەبێت.
نێچیرڤان بارزانى لەمیانى وتارێک، کە لە کۆڕبەندى ئاشتى ڕۆژهەڵاتى ناوەڕاست لە زانکۆى #دهۆک# پێشکەشیکرد ڕاشیگەیاند، من و کاک #مەسرور بارزانى# و کاک #قوباد تاڵەبانی# و کاک #بافڵ تاڵەبانی# کۆبوونەوەمان کردووە و کۆبوونەوەى تریش دەکەین.
سەرۆکى هەرێمى کوردستان باسى لەوەش کرد، کۆبوونەوەکان هەنگاوى باشى ناوە و هیوادارین لە داهاتووشدا ئەنجامى باشى هەبێت.
نێچیرڤان بارزانى باسى دۆخى ناوچەکەشى کرد و ئەوەشى ڕاگەیاند، دۆخى غەزە مەترسى بۆ ناوچەکە و هەموو جیهانیش هەیە، بۆیە هیوادارم کێشەکان بە گفتوگۆ چارەسەر بکرێت و چارەسەرى دوو دەوڵەتیش بۆ هەردوو وڵات باشترین چارەسەرە.
باسى لەوەش کرد، ئەگەر دۆخەکە چارەسەر نەکرێت مەترسى بۆ سەر هەموو لایەنەکان درووست دەبێت. [1]
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 209 kertaa
Kirjoita oma kommenttisi tuote!