باری لار نمەیاوۊ مەقسەڎ (مەنزڵ)
پەی ئانەی بېیاومېنە چی پەندۍ، مەشۊم بگېڵمېوە پەی ژیوای کۊنی، کە ماچو ژیوای کۊن مەخسەڎم کۊنی ژیواکەی نېیەن، بەڵکوم ژیوای سەردەمو جارانېیەن، ئا ژیوایە کە پەڕبۍ جە بەها زەریفەکا، پەڕبۍ جە پېوەڼییە ئینسانیەکا، ئا وەختە کە هەڵای خەڵک نەلابېنە دلۍ دنیاو مادەگەرایی و ژیوای فەردیەتی، تەکنۆلۆجیا هەڵای باڵش نەکېشابۍ ملو تەماموو کایەکا ژیوایرە. جاران پەی فاڕایۆ کەلو پەلی و پېوېسیەکا ژیوای، وڵاخ بەکارئارېنۍ، پېسە (هەر و هەسەری) ، بارشان نریۍ وەنە، ئەشیێ بارەکە بە عەدلی بارکریێ، هەر دوە لاو بارەکەی پېسە یۊی قۊرسۍ بیێنۍ، هەم پەی کەم مانیای وڵاخەکەی، هەم پەی ئانەی بە سڵامەتی یاوێ وەرۆ.
پېسە پەندێ پەی پېوەڼییە کۊمەڵیەکا بەکارئامان، هەرمانەی لارە و وېرە هەرگیز بەرهەمش نېیەن، قازانجش نېیەن.
کەسی سەرڕاس چیسەرۆ خەمو ئۆسەری وەرۊن، هەرگیز هەرمانۍ گەڼۍ نمەکەرۊن، چوونکوم مزانو کە باری لار هەرگیز بە سڵامەتی نمەیاوۊ مەنزڵ.
ئەسعەد ڕەشید.[1]
Tämä tuote on kirjoitettu (هەورامی) kieli, klikkaa kuvaketta
![](https://www.kurdipedia.org/images/flags/ku.png)
avata kohteen alkukielellä!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Tämä tuote on katsottu 106 kertaa
Kirjoita oma kommenttisi tuote!