نامۍ: تاهیر بەگ
نازنام: جاف
نامۊ تاتەی: وەسمان پاشاو جافی
نامۊ ئەڎێ: عادیلە خانم
ساڵۊ پېڎابېیەی: 1875ز
ساڵۊ مەرڎەی: 1917ز
یاگۊ پېڎابېیەی: #هەڵەبجە#
یاگۊ مەرڎەی: #سلێمانی#

$ژیۋاینامە$
.تاهیر بەگوجافی کوڕو وەسمان پاشاو جافی کوڕو محەمەد پاشاو جافییەن، دلۍ شارو هەڵەبجەینە ئامان دنیاوە، تەمەنو حۆت ساڵینە نریانەنە وەردەمو ۋانای پەی فېربېیەی قورئانی موبارەکی و دیوانو شاعېرە کورد و فارسەکا، پېسە سەعدی و حافیزی و مەولەی و نالی و ..هتر.بە حوکمو ئانەی ئەڎاو تاهیر بەگی خەڵکەو شارو سنەی بیېنە، ئاموشۊ ئاگەیشە کەردەن، پېسە مەزانمی چا وەختەنە شارو سنەی یاگۍ عیلمی ماریفەتی و ئەدەبی بېیەن، تاهیر بەگ سوودێ خاسش چەنە هۊرگېرتەن، بە تېکەڵیش چەنی پېیا نامڎارو کەسە ئایینیەکا ئاگەیە زیاتەر ویر و ئەندېشەش واڵا بېیەنو چەم و دەمش کریانۆ.
تاهیر بەگ پیێوە وەشڵەی پاک و پۊختە، وت و ۋریا، ویر تیژ، ئازا، عاشق، خاوەن یانەو سفرەوخوان بېیەن.
وەراوەرو بە یانەو وەسمان پاشای، تاتەو تاهیر بەگیۆ هانەو ئاوێ وەش بېیەن، ژەن وکناچۍ هەڵەبجەی پەی ئاو ئاردەی لوێنۍ سەرش، ئاڵ و واڵاو جلەکاشا، گۊزۍ سەرو شانەیشان، لەنجەو لارشان، دڵو تاهیربەگیش کېشتەن، ئیتر چاگە پېسە هەنگێ عاشق بە بۊ و شیلەو گوڵا، دڵو تاهیر بەگیچ نیشتەن ڕوخسارو گوڵئاساو کناچە جوولەکێ هەڵەبجەی بە نامۍ (شېوە) ی، جە لاو شېوەیۆ دڵش جیامەنەن، پېسە مەولەوی فەرماوۊ:
دڵ دیار نېیەن های نەکەردەبۊ
وە خزمەت ئازیز تەشریف بەردەبۊ.
دڵوتاهیر بەگیچ تازە لوانەنە خزمەتو ئازیزېش، گېڵایۆش نېیەن، ئیتر کناچە جوولەکۍ مەبۊنه ئامیان پەی گرسای شېعرە زەریفەکا تاهیر بەگی.
ئی شاعېرە دڵ و هەس ناسکە جە تەمەنێ کەمەنە بە هۊکارو نەوەشیۆ جە دنیا بەرمشۊن، دلۍ زیارەت تەڵانو عەبابەیلېنە بە خاکیش مسپاران.
ئەسعەد ڕەشید.[1]