نامۍ: خالید
نازنام: نەقشبەڼی
نامۊ تاتەی: حسێن
نامۊ ئەڎێ: فاطیمە
ساڵۊ پېڎابېیەی: 1779ز
ساڵۊ مەرڎەی: 1827ز
یاگۊ پېڎابېیەی: #قەرەداخ#
یاگۊ مەرڎەی: #شام#

$ژیۋاینامە$
مەولانا خالید جە تیرەو میکائیلی جافییەن، ساڵەو (1779ز) ئامان دنیاوە، تیرەکەشان کۊچەریۍ بیېنۍ، گەرمیان و کوېسانشان کەردەن، زمسانېنە ئامێنۍ پەی قەرەداغی و چاگە مەنېنێ، بەڵام هامنېنە لوێنۍ پەی ئېڵاخانی، زیاتەر پەی کوېسانەکا ناوچاکانو هۆرامانی، مەولانا دیارەن وەرزو زمسانینە ئامان دنیاوە، کە جە قەرەداغ نیشتەجایۍ بیېنۍ.
پیر میکائیل یۊ بېیەن جە ئەولیاو صاڵحەکا سەردەمو وېش، درەختنامەش مەگېڵۊوە سەرو خەلیفەو یەرەمی، چاگۆ ئامان پەی ناوچەو جوانڕۊی، دلۍ دەگاو (دەودان)ینە نیشتەجا بېیەن و خەریکو ڕانموونی کەردەو موسوڵمانا بېیەن. ئەڎاو مەولانای درەختنامەش مەگېڵۊوە سەرو ساداتو پیر خڎرو شاهۊی.
مەولانا تەمەنو شش ساڵینە فېرو قورئان وانای کریان، هەر جە قەرەداغ قورئانش خەتم کەردەن و وردە کتېبچەکېش وانێنێ. پېسە تەمامو فەقیەکا کوردەسانی، مەولانا فرەو ناوچەکانو کوردەسانی گېڵان شۊنەو زانستی و شەریعەتیرە، لوان خزمەتو بەشێ جە مەڵڵا نامڎارەکا، پېسە سەیېڎ عەبدولکەریمی بەرزنجی، مەڵڵا جەلالو خورماڵی، شېخ عەبدوڵڵاو خەرپانی، مەڵڵا ئیبراهیمو بېیارۍ، مەڵڵا مەحمووڎی غەزایی، مەڵڵا صاڵحی تەڕەماری، ...هتر.
مەولانا ساڵەو (1827ز) جە وڵاتو شامی کۊچی دمایینش کەردەن، هەرچاگە بە خاکی ئەسپاریان.
ئەسعەد ڕەشید.[1]