کۊچو یەرەمینجارو مەولانا خالیدی پەی شارو بەغڎای
کۊچو مەولانا خالیدی پەی جاری یەرەمی پەی شارو بەغڎای،
دمای ئانەی مەولانا بە تەکلیفو مەحمووڎ پاشاو بابانی گېڵاوە پەی شارو سلېمانی، دلۍ خانەقاکەیشەنە (خانەقاو مەولانای) خەریکو ئیرشادی و واتەیۆ دەرسی عیلمی و دینی بۍ، پەی ماوەو شش ساڵا پا جۊرە گوزەرنانش، بەڵام ئیتر بارو زرووفو سلێمانی و گرفتو مېیانو دەسەڵاتدارەکا بابانی و تۊمەتبارکەرڎەیش بە فیتو ناحەزاش دلۍ شارینە، جە شارو سلێمانی بېزار مەبۊنو ساعبانەو (25-10-1820) چەنی ژەنەکاش کۊچش کەردەن ڕوەو شارو بەغڎای. ماچان مەولانا چا وەختەنە یەرۍ تاکو چوار ژەنیش بیېنۍ، سەفەرەکەشەنە چەنیش بیېنۍ. وەختێ تەشریفش مەیاوۊ وەرۆ ملۊوە پەی تەکیەو خالیدیەی کە وەڵتەر چەنەش بۍ، دیسان چاگە دەسکەرۊوە بە ئیرشادو موسوڵماناو دەرس واتەیۆ بە فەقیەکاش. مەنسووبەکېش گرڎیاگێوە واران ملشەرەو دەرس و مۊچیاریەکاش وەرگېران. زانێ و تۊبەکارەکۍ وەڵاتو شامی و چواردۆریش تەکلیف مەکەران مەولانای خەلیفێوە بکیانۊ پەی لایشان پەی ڕانیشاندایشان و وەرگېرتەی بەرەکەتو مەولانای، مەولانایچ شېخ ئەحمەڎی هۆلېری مەکیانۊ پەی لایشان کە خەلیفێوە تەمام و ساحېبو تەسەڕوفاتی ڕۊحی و پیېوە دەم و دەس و دڵ پاکو بە ئەدەب بېیەن، وەختێ ئی زاته تەشریفش مەیاوۊ شام، ئیتر نیشانۍ تەوەجوهاتیش بەرمەگنا، زیاتەر جە جاران بە ئومېڎو فەیض و بەرەکەتو مەولانای مەبانۍ، پەوکەی پەی دەرپەی نامېش پەی مەنویسانو داواش وەنەمەکەران تەشریفش بلۊ پەی ئاگەی، بەڵام دیارەن هەم باروزرووفەکە گونجیا نەبېیەن، هەم ئەسبابۍ سەفەرەکەیش ئاماڎۍ نەبیېنی و ئولفەتو مەولانای بە موریدو خەلیفەکاشۆ، هەم بە هامنەهەوارەکا هۆرامانیۆ کە ساڵانە وەرزەکانو گەرماینە تەشریف بەرۍ پەی ئاگەیەو چاگە ژیوۍ، نەتاوانش داواکېشا بەجا بارۊن.
ئەسعەد ڕەشید.[1]
Tämä tuote on kirjoitettu (هەورامی) kieli, klikkaa kuvaketta
avata kohteen alkukielellä!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Tämä tuote on katsottu 274 kertaa
Kirjoita oma kommenttisi tuote!