ڕەئوف حەسەن کو هەڤاڵێن وی ناڤێ (ئوفە) لێنابوو، ساڵا 1945 ل تاخا گۆیژە یا باژێڕێ #سلێمانی# ژدایک بوویە. ژوان نڤیسەرانە کو ژیان و مرنەکا سەخت دیتییە.
پشتی کوو قوناغێن خوەندنێ تمام کرینە و خانەیا ماموستایان ژی تمام کرییە، خولا فێربوونا زمانێ ئینگلیزی ل پەیمانگەها بەریتانی ل بەغدایێ خوەندییە. ساڵێن 1985 -1964 وەکە کرێکار ل کارگەها چیمەنتۆیا سەرچنار و کارگەها جگەرە کار کرییە، ئەڤێ ژی وەکردییە کو ل نڤیسسەرێن ئێکەم ل بووارێ ئەدەبا کرێکاری دە بیتن .
ساڵا 1959 تەڤی هەژمارەک ل هەڤالێن خوە (کۆمەڵەیا ئەدەبیاتا پرشنگ) دامەزراندیە و گوڤارا ( پرشنگ) ب دەستخەت بەڵاڤ کرییە. هەروەسا تەڤی ماموستا عومەر مارف بەرزنجی ژی هەفتەنامەیا (تریفە) هەر ب دەستخەت بەڵاڤ کرییە.
پشترە هەر وی بخوە ب تەنێ گوڤارا کەژی ب دەستخەت ئانکوو نڤیسینا دەستی بەڵاڤ کرییە. ل چەندین سازی یێن پیشەییدە کار کرییە وەکە (ئێکەتیا نڤیسەرێن کورد، کۆمەڵەیا هونەر و وێژەیا کوردی - مەڵبەندا گشتی، سەندیکایا ڕۆژنامە نڤیسێن کوردستانێ) هەروەها دامەزرێنەرێ تیپا پێشڕەو یا شانۆیا کورد بوویە . وەکە وەرگێڕەکێ ژێهاتی ب ئەگەرا وەرگێڕانا ڕۆمانا ( جەنابی موفەتیش) زیرەکیا خوە دەرخست، هەروەسا ڕێڤەبەرێ درامایا (لانەوازان) ژی بوویە. ماموستا ڕەئووف حەسەن نڤیسەرەکێ فرەڕەهەند و ڕۆژنامە نڤیسەکێ ژێهاتی بوویە، بەریا نها بەرنامەیا ڕەوشنبیریی ل ڕادیۆیا کوردی یا بەغدایێ و تەلەڤزیۆنا #کەرکووک# پێشکەش کرییە. ژبەر هەڵویستەیێن نیشتمانی ل سەردەمی بەعسدە دووچاری زیندان و ئەشکەنجەیێ بوویە.
ڕوژا #21-12-2018# وەغەرا داویی کرییە و ل گردێ سەیوان هاتییە بخاک سپاردن.
ڕەئوف حەسەن خوەدیێ 25 پەرتووکێن چاپکرییە، ناڤێ هندەک ژ پەرتووکێن وی:
$گەردوونناسی$
• گەردوون (بابەتێن زانستیە) 1967
#کوورتە چیروک#
• سبەینێ باوکت دێتەوە (کومەڵە چیرۆک) 1971
• چەکەرە (کۆمەڵەچیرۆک تەڤی دوو نڤیسەرێن دن) 1973
• دەرزی ئاژنی خەمەکان (1988)
• وێنەکەی خوشکت (کومەڵە چیرۆک) 1999
$ڕۆمان$
• خۆری تار (کۆچی سوور) 1999
٭ ڕۆمانا (چیمەن ) 2018
$ڕۆژنامەنڤیسی$
• پەیامنێری تەلەڤیزیونی (2011)
• گوڤارا (ڕۆژنامەوانی و ھەڵسەنگاندنێک) (2006)
• لە بەینمان دەرناچێت
• ئەلفاو بێتای ڕۆژنامەگەری (1999)
$وەرگێڕان$
• تیۆری نیسبی (بابەتێ زانستی) 1984
• ھونەری جەنگ (2004)
• سۆفیگەری (2005)
• کوردناسی (2006)
$ڕەخنەیێن ئەدەبی:$
• کرێکار و چیرۆکی کوردی (1982)
• ئەندێشە جوانەکانی ڕۆح لە چیرۆکی کوردیدا (2007)
• خولیای مەیموونە سپییەکان (2007)
[1]