زگپڕ
1
کە پێمگوتی خۆشمدەوێێ
وەستا؛
سووڕی مانگانەکەت!
2
شیعرێکم بۆت نووسی،
هەرکە خوێندتەوە،
دووگیان بووی!
3
ناوێرم بەلاتا تێپەڕم..
بە شیعرەکانی منەوە،
بێزوو دەکەی.
4
لەنزیکتەوە،
نۆجار ناوم هێنای؛
سکت بوو بە نۆمانگ
5
لەشەوی منداڵ بوونتا،
پارچەیەک موزیکم بۆ ناردی.
کچیکت بوو ناوت نا؛
نەیژەن
6
نووکەیەکم بۆ کردی
مەمکەکانت،
بوون بە دوو کانی سپی
لێوڕێژ لە شیری چیایی.
7
لە دایانگە کۆرپەکەتم بینی
چاوەکانی لەچاوی،
تازەترین شیعرم دەچوو
ناوی نووسەر: #قوبادی جەلیزادە# [1]
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 122 kertaa
Kirjoita oma kommenttisi tuote!