کورد دلۍ چەرخەکا تاریخینە
بەشۍ: هەشتا و دوەمە
نویستەی: #هاوڕێ باخەوان#
ساڵەو (1421ز): چن میرنشینێ کوردی ئەچی ساڵېنە چەنی شارووخ میرزا کوڕو تەیموری لەنگی ڕېکۍ کۆتېنۍ، تاکو بە ئاشتی مەناوە، ئا میرنشینېچە ئینۍ بیېنۍ: بەدلیس، هەکاری، حەسەنکێف، خێزان.
ساڵەو (1423ز): دەسەڵاتو فەزڵەوییەکا ناوچەو لوڕی گۆرەی ئەچی ساڵېنە ۋڕان. هەر ئەچی ساڵېنە ئەتابەگ ئەبوسەعید کوڕو ئەحمەڎی کۊچی دمایینش کەردەن. هەم ئەتابەگ شا حوسێن بە دەسو غیاسەدین هوشەنگ کوڕو پەشەنگی کوشېیان.
ساڵەو (1425ز): شاعېرو کوردی عەلی حەریری ئەچی ساڵېنە ئامان دنیاوە.
ساڵەو (1450ز): ئەچی ساڵېنە فرەو میرنشینە کوردەکا کۆتۍ چېرو دەسەڵاتو قەرە قۆینلۆ- بەرخی ڕەشی.
ساڵەو (1456ز): قلیج بەگ سوڵتان عەلی بەگ میرو دونبولی ئەچی ساڵېنە کۊچی دمایینش کەردەن.
دساڵەو (1457- 1494ز): فەترەو فەرمانڕەوایی مەئمون بەگ کوڕو بېگەبەگ سەردارو ئەردەلانی بېیەن. هەر ئەچی ساڵېنە مەلیک خەلیل، ئەشناسیا بە مەلیک کامیل، سەردارو حەسەنکێفی کۊچی دمایینش کەردەن.[1]