لایەنەکانى #کەرکووک# پڕۆژەکەى #بافڵ تاڵەبانى# بۆ پێکهێنانى حکوومەتى خۆجێیی ڕەتدەکەنەوە.
هەموو لایەنەکانى کەرکووک پڕۆژەکەى بافڵ تاڵەبانى سەرۆکى #یەکێتیی نیشتمانی کوردستان# بۆ پێکهێنانى حکوومەتى خۆجێیی پارێزگاکەیان ڕەتکردووەتەوە.
لە کۆبوونەوەى شەوى ڕابردوو لە ڕێکەوتی #06-03-2024# لایەنە براوەکانى کەرکووک، لەگەڵ محەمەد شیاع سوودانى، لایەنەکان پڕۆژەکەی بافڵ تاڵەبانیان ڕەتکردووەتەوە.
هەر بە گوێرەى زانیارییەکان، لایەنەکان سووربوون لەسەر ئەوەى لەسەر بنەماى هەموو ئەو پرۆژانەى ئامادەکراون، پڕۆژەیەکى نوێ بۆ پێکهێنانى حکوومەتى خۆجێیی کەرکووک ئامادە بکرێت و ڕێککەوتنى لەسەر بکرێت، دواتر لەو ڕێگەوە حکوومەتى خۆجێیی پێکبهێنرێت.
ئەمە لەکاتێکدایە، پێشتر بافڵ تاڵەبانى پڕۆژەیەکى بۆ دابەشکردنى پۆستەکانى پارێزگاى کەرکووک ئامادەکردبوو، کە بە پێى پڕۆژەکەش پۆستى پارێزگار بۆ حزبەکەى دەبوو، پۆستى سەرۆکى ئەنجوومەنیش بۆ لایەنە عەرەبییەکان و پۆستى قایمقامى ناوەندیش بۆ لایەنە #تورکمان#ەکان. [1]
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 200 kertaa
Kirjoita oma kommenttisi tuote!