کورد دلۍ چەرخەکا تاریخینە
بەشۍ: سەڎ و چل و چوارەمە
نویستەی: #هاوڕێ باخەوان#
تاریخو (1822ز): یەرۍ تۊمارۍ پېوەس ئەپی ساڵېوە پەی ئېمە مەنېنێ:
*ئەچی ساڵېنە بابا یادگار قەنارە دریان، چوونکوم داواو خوڎاییش کەردەن، بابا یادگار شاعېر و ڕابەرو ئایینو ئەهلو هەقی بېیەن.
*ئەچی ساڵېنە عوسمانییەکۍ هېرششان پەی سەرو میرنشینو بابانی کەردەن، دماجار (500) کەسۍ جە عوسمانییەکا کوشیێنۍ و شارو سلێمانی داگئیر کریان.
*ئەچی ساڵېنە، یام ساڵەی دماینەنە ڕېککۆتەنامەو ئەرزەڕوومی میانو فارسەکان و تورکەکانە بەسیان، سنوورو میانو هەر دوە دۆڵەتەکەی بەپاو سنوورو سەردەمو سوڵتان مورادی چوارەمی دیاریکریانۆ.
ساڵەو (1823ز): یەرۍ تۊمارۍ پېوەس ئەپی ساڵېوە پەی ئېمە مەنېنێ:
*ئەچی ساڵېنە پێمانو ئەرزەڕومی مۊر کریان میانو فارسەکا و تورکەکەنە، هەردوېشان سەرو ئانەیە ڕېکېکۆتۍ کە ڕاگیری بکەران جە خېڵە کوردە کۊچەرییەکا کە ئی دیم و ئۆددیمو سنووری نەکەران، فرەو جاری ئا ڕاگیرییە بېیەن بە هۊکارو جەنگی و ۋن متەی میانو هۊزە کوردەکانە و فارس و تورکەکانە،
*ئەچی ساڵېنە نویسەر (ڕەسول مەستی ئەفەندی) دلۍ شارو سلێمانینە ئامان دنیاوە.
*مەحمووڎ پاڎشا هەمدیس پەی ماوەو ساڵێ بیەنۆ بە میرو بابانی.[1]