کورد دلۍ چەرخەکا تاریخینە
بەشۍ: سەڎ و پەنجا و یەرەمە
نویستەی: #هاوڕێ باخەوان#
ساڵەو (1834ز): چن تۊمارێ پېوەس پی ساڵېوە پەی ئېمە مەنېنێ:
* هامنو ئی ساڵېنە، تورکەکۍ بە چل هەزار سەربازېوە هېرششان کەردەن سەرو هەرېمە کوردەکا.
* ئەچی ساڵېنە، میر موحەمەڎ ساڵح نیعمەتوڵڵاهی شاعېر، ئەشناسیا بە (حەیران عەلی شا)، جە ماهی دەشتی ناوچەو کرماشانی ئامان دنیا، پاڕەویکارێ ئەهلو هەقی بییەن.
* ئەچی ساڵېنە، ڕۊسەم ئاغا سەرداری تیرەو زەنگەنەیش کەردەن.
* ئەچی ساڵېنە، ڕەزا قولیخان بېیەن بە والی ئەردەڵانی.
* چی ساڵېنە، مەحمووڎ پاڎشاو بابانی کۊتایی بە دەسەڵاتیش ئامان دلۍ میرنشینو بابانینە.
* ئەچی ساڵېنە، پاڎشا کۆرە پێمانو دۊسیبېیەیش چەنی ئێرانی مۊرکەردەن.
* ئەچی ساڵېنە، (جێمس بێلی فرەیزەر) گەشتێش پەی کوردەسانی کەردەن.
* ڕەشیڎ پاڎشای تورک، بە ویس هەزار سەربازېوە ئەچی ساڵېنە هېرشش کەردەن پەی سەرو کوردەسانی.
* کۊتاو ئی ساڵېنە، کوردەکۍ ناوچەو (ئەتاگ)ی، بە سەرداری ڕەجەب بەگ ڕاپڕنایێشان سازنان، سەرەنجام ڕەشید پاڎشا والی سیواسی هېزێش کیاستەن سەرشان بە دە هەزار سوارۍ و شەس تۊپېوە.
* ئەچی ساڵېنە شۆڕشو بەدلیسی بە سەرداری شەریف خانو بەدلیسی خېزیان.
* ئەچی ساڵېنە پاڎشاو کۆرەی هېرشش کەردەن سەرو بەدرخان پاڎشای.
* ئەچی ساڵېنە، نالی شاعېر شېعرە بە نامبانگەکېش (قوربانی تۆزی ڕێگەتم ئەی بادی خۆش مروور) نویستېنە.[1]