بە مەبەستی ئامادەکاری بۆ دەستپێکی خولەکانی لاوان، تازەپێگەیشتووان و بێچووە شێران، لیژنەی پشکنین لە یەکێتی ناوەندی تۆپی پێی ئێراق سەردانی شاری #سلێمانی# و #یانەی وەرزشی پێشمەرگەی سلێمانی#یان کرد.
پاش نیوەڕۆی ڕۆژی شەممە #10-02-2024# و بە ئامادەبوونی #وسام محەمەد بازگ# سەرپەرشتیاری گشتی تیمەکانی تۆپی پێی یانە و دەستەی ڕاهێنەران پێشوازی کرا لە ئەندامانی لیژنەی پشکنینی تەمەنەکان لە یەکێتی ناوەندی تۆپی پێی ئێراق، لەو سەردانەیاندا، ئەندامانی لیژنەی ناوبراو پێناس و باری شارستانی یاریزانانی تیمە جیاوازەکانی یانەیان بینی و هەروەک وردەکاری دەستپێکی خولەکانیان بۆ دەستەی ڕاهێنەران ڕونکردەوە کە لەژێر ڕێنماییەکانی لیژنەی پێشبڕکێکان لە یەکێتی ناوەندی تۆپی پێی ئێراق بەڕێوە دەچێت.
جێگەی باسە تیمەکانی لاوان و تازەپێگەیشتووان و بێچووە شێرانی یانەی پێشمەرگە لەو تیمانە دەبن کە بەشداری لە چالاکی و خولەکانی ئێراق دەکەن و لە وەرزی ڕابردوشدا، هەردوو تیمی لاوان و تازەپێگەیشتووان پلەکانی دووەم و یەکەمیان لەسەر ئاستی ئێراق و لە خولی پلە یەکدا بەدەست هێنا.[1]
Tämä tuote on kirjoitettu (کوردیی ناوەڕاست) kieli, klikkaa kuvaketta
avata kohteen alkukielellä!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Tämä tuote on katsottu 46 kertaa
Kirjoita oma kommenttisi tuote!