ساڵی 1951 لەگوندی تەوەکەڵ-ی ناوچەی ئاغجەلەر لەدایکبووە. لەبەر هەژاری خێزانەکەی نەیتوانیوە درێژە بەخوێندن بدات، تا پۆلی چوارەمی سەرەتایی خوێندووە. ساڵی 1976 پێوەندییکردووە بە (کۆمەڵەی ڕەنجدەرانی کوردستان) ەوە و ئەندامێکی چالاکی کۆمەڵە و یەکێک بووە لەهاورێ نزیکەکانی #مام جەلال#. ساڵی 1981 بووەتە پێشمەرگە لەهەرێمی دوو. لەهەمان ساڵدا بەفەرمانی سەرکردایەتی و بەمەبەستی ئەنجامدانی هەندێک کاری تایبەتی٬ نێردراوە بۆ ڕۆژهەڵاتی کوردستان. لەو ماوەیەدا بەشداریی چەندین نەبەردی کردووە، لەوانە: نەبەردی #سەردەشت#، #مەهاباد#، قاسملو، کونە مشکەی ئێران، گوندی زمزیران، پاش 3 مانگ بەفەرمانی سەرکردایەتی گەڕاوەتەوە بۆ باشوور و کراوە بەفەرماندەی مەفرەزە. لەماوەی خەباتیدا بەشداری چەندین داستانی کردووه٬ وەک شەڕی (گوندی قەرەچەتان و سەرجادەی هەیبەت سوڵتان و گەرمک و شەری گوندەکانی کۆکە و کرژە و سابوراوا و چاڵاخ و تەکباسان و قەڵاچوالان و تلیان و ناڵپارێز و خاڵخاڵان و قازان و چنارۆک).پاشان بووە بە فەرماندەی کەرت. لەو ماوەیەشدا بەشداریی چەندین شەڕیکردووە وەک: شەڕی دەشتی #هەولێر# و بێتواتە و بالیسان و هەیدەربەگ و #قەندیل# و موغاغ و چەرمەگا و شیوەسوور و #تەقتەق# و توراغ و دوبزنی و شارباژێر و حاجیتان و دانەسۆفی و کانی میران و تەرەماری خواروو و سەرجادەی گۆپاڵە و دۆڵی شەهیدان و خری زێوێ و ئیندزی و لیوژی و بۆڵی و گۆمی کرمە #سۆران# و قەرناقە و پشتئاشان و گۆپتەپە.
دواتر ساڵی 1984 لەگەڵ کەرتەکەی بەشداریی نەبەردی (سەرچاوە)ی بازیانی کردووە و بەدەستی خۆی فرۆکەیەکی دوژمنی تێکشکاندووە. لەپێشمەرگایەتیداچوار جار بەسەختی برینداربووە. دوا پلەی پێشمەرگایەتیشی جێگری فەرماندەی تیپی (25)ی خاڵخاڵان بووە. لە #04-01-1985# گەیشتە کاروانی نەمران.
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 7,647 ganger
Skriv din kommentar om dette elementet!