ناڤێ وی (بەکر بەگێ کوڕێ میر بەهدور بەگێ (دووێ) کوڕێ میرشال بەگێ کوڕێ میر ئەحمەد بەگێ کوڕێ میر بەهدور بەگێ (ئێکێ) کوڕێ میر مەحمود بەگێ کوڕێ سوڵتان حەسەن بەگێ میرسەیفەدین بەگێ ئامێدی) یە، ل سالا (1179) ێ مشەختی هەڤبەری سالا (1768) ێ زایینی، ل گوندێ ئەرزێ ئەوێ دکەڤیتە سەرێ چیایێ مەتینی ژ دایک بوویە بەکر بەگێ ناف مالەکا مەزن و دیندار چاڤێن خو ڤەکرن، ل بچویکاتیا خوە ل گوندێ ئەرزێ ل نک مەلان خواندی یە و هەر ژ زاروکینیێ نیشانێن زیرەکیێ لێ دیار و ئاشکرا بوون، دەمێ ژیێ وئ دبیتە پازدە سال دیمەنێن جوانێن چیایێ مەتینی و رەوشا دیمەنێن گوندێ ئەرزێ وی جهێ هەلکەفتی و دیار کارتێکرن لێ کری یە و دەست ب ڤەهاندنا هوزانا کری یە، کەسەکێ دیندار و حەژێکەرێ کارو شولێن جوتیاریێ و ژیانا سادە بوو، چ جارا حەز ژ مەزناهیێ نەکری یە و دەست و تبلێن وی دزێڕین بوون دکارێن دەستی و دارتاشی و جغساتیێ و نموونێن ڤی کارێن وی دژیانا وی دا دیارن، بەکر بەگێ هۆزانڤان هەر جار جار سەرەدانا جهێ باب و باپیرێن خو کری یە و چەند رۆژا ل ئامێدیێ پایتەختێ میرگەها بەهدینان مایە، مشە ناڤێ سێرانێن سەرێ ئامێدیێ و کانیا مالا و ریباری و تەپایێ و سەقایێ (ئامێدیێ)ن ئینایە و حەژێکرنەکا مەزن دگەل میرێن میرگەها بەهدینان هەبوویە و دگەل گەلەک میرا ژیایە، گەلەک ژ تورەڤانێن مە توشی شاشێ بووینە دەمێ دبێژێن : بەکر بەگێ ئەرزی و مەلا مەنسورێ گێرگاشی دوو دێرڤەهاندینە دەمێ ل رویبارێ ئامێدیێ ل ئاڤێ دەرباز بووین، مەلا مەنسورێ گێرگاشی هەڤدەمێ مەلا حوسێنێ باتەیی یە کو ل ناڤبەرا سالێن (1417 ز-1495ز) مری یە و بەکر بەگێ ئەرزی ل سالا (1767) ز ژ دایک بوویە و مرنا وی نەیا دیارە بەلێ بەکر بەگێ ئەرزی و مەلا پیرێ گێرگاشی نەڤی نەڤی چرکێ مەلا مەنسوری دگەل ئێک ژ رویبارێ ئامێدیێ دەربازبوینە خودێ خێرا خەلکێ گوندێ ئەرزێ بنڤیسیت کو گوڕێ بەکر بەگێ ئەرزی سەخبێر کری یە و دیوار کری یە بەلێ ئەو دیروکا ل سەر نڤیسی چ راستی تێدا نینە ئانکو نڤیسی یە ل سالا (1740 ز) ژ دایک بوویە و ل سالا (1840 ز) مری یە، نزانم تا چ رادە راستی بو ڤێ چەندێ هەیە و ئەڤ دیروکە ژ چ کەس وەرگرتی یە، چ تۆرەڤانێن کورد ئەڤ چەندە دیار نەکری یە!! و هۆزانێن هۆزانڤان بەکر بەگێ ئەرزی یێن بناڤ و دەنگ ئەڤەنە :- (بەیتا سەیرانێ، بەیتا کەوا، بەیتا چولی بەگێ، بەیتا نائیلە خاتونێ، بەیتا تەرگێ، بەیتا تەیرا، بەیتا خوێ، بەیتا ئاشی، بەیتا نەسیحەتا، بەیتا بهارێ، بەیتا قەشەی) مخابن تا نوکە سالا مرنا وی دیار نینە ژبلی وێ چەندێ کو دوماهیک هۆزانا وی ل سالا (1250) مشەختی، هەڤبەری سالا (1833) زایینی نڤیسی یە.
Dette produktet har blitt skrevet på et språk (کرمانجی), klikk på ikonet
for å åpne elementet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 7,438 ganger
Skriv din kommentar om dette elementet!