زانا و هۆزانڤانێ ناڤدارێ خەباتکەروکوردپەروەر ناڤێ وی (مەلا یاسین کوڕێ مەلا محەمەد کوڕێ مەلا یاسین کوڕێ محەمەدە)ە ل سالا (1934)ێ ل گوندێ _(بەنستان) ل دەڤەرا(ڕێکان) هاتیە دؤنیایێ، هەر د ژیێ زاروکینیێ دا ل بامەڕنێ دەست هاڤیتیە خواندنا قورئانا پیرؤز ل دەف زانا (مەلا عەلی بێدوهی) ودگەل هندێ ژی قەستا خواندنگەها سەرەتایی یا بامەڕنێ کری یە ل سالا (1942)ێ ل سەردەمێ شاە (فەیسەلێ دووێ)، دیسا چوویە گوندێ (نێروە سیتو) ول وێرێ ل نک زانا (مەلا ڤە تاح نێروکی1917-1994) قورئان دگە ل (ڤتح القریب)ێ ب دوماهی ئیناینه، هەروەسا ل گوندێ (بێزەلێ - رێکان) ل دەف زانا (مەلا عبدالخالق بێزەلی) خواندیە، وپاشی چوویە گوندێ (هورە - رێکان) ول سە ردە ستێ (شێخ محەمەد سلێڤانەیی) خەلیفێ (شێخ بهائەدیین نەقشەبەندی 1856-1952) پشتی بۆ دەمێ دوو سالان خواندی دەستور ناما زاناتێ (دوازدە علمی) وە رگرتییە، ل رۆژا 02-01-1953ێ تا 12-03-1962ێ بە رنڤێژی (ئیمامەتی) ل گوندێ(بەنستان)کری یە، دیسا بۆدەمێ چارهەیڤان ل گوندێ (مروانس - رێکان)ب هەمان کار رابوویه، ل سالێن (1969-1970)ێ چوویە (پەیمانگەها ئیسلامی) ل (نە بی شیت - مویسل) وباوەرناما وێ وەرگرتی یه، ل سالا (1971)ێ پەیوەندی ب (مەلا مستەفا بارزانی)کری یە ل دەڤەرا (قەسر)ێ و (حاجی ئۆمەران)و بوویە ئێک ژئەندامێن ئێکەتیا زانیێن ئیسلامی کوردستان، ل سالا (1983)ێ بوویە بەرنڤێژو خوتبە خوین ل مزگەفتا (شێلادزی یامەزن) کو دبیتە ئێکەم زانا ل ڤێ مزگەفتێ هاتیە دامەزراندن و بەردەوام بوویە تا سالا (1999)ێ توشێ ئێشا (شەلەلێ)بووی وهاتیە خانەنیشکرن، پشتی ژییەکێ پری بزاڤ وخزمەت وخەبات ل سپێدەهییا رۆژائێک شەمبی 11-12-2005ێ ل شێلادزێ چوویە بەر دلۆڤانیا خودێ وهە رل وێرێ هاتیە ڤە شارتن.
Dette produktet har blitt skrevet på et språk (کرمانجی - کوردیی سەروو), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 9,801 ganger
Skriv din kommentar om dette elementet!