ل ساڵا 1954 ل گوندێ غلبیشێ سەرب ناحیا بامەرنێ ڤە ژ بنەمالەکا هەژار و کورد پەروەر چاڤێن خو ڤەدکەت بو ڤێ ژیانێ خواندنا خو یا سەرەتایى ل گوندێ غلبیشێ ب دوماهى دئینیت و یا ناڤنجى و ئامادەیى ل دهوکێ ب دوماهى دئینیت و هێشتا گەنج بو، دەمێ زورداریا دوژمنان دیتى و سوز و پەیمان داین کو خەباتێ بکەت ژبو رزگارکرنا گەلێ خو یێ هەژار و بن دەست، لەورا ل سالا 1977 دهێتە رێکخستن دناڤ رێکخستیێن نهینى یێن پارتى دیموکراتى کوردستان و ل سالا 1978 شەرەفا ئەندامەتیێ وەردگریت و بیتە ئەندامەکێ زیرەک و چاڤ نەترس و چەندین چالاکى دناڤ جەرگێ دوژمنى ل باژێرىچ دهوکێ ئەنجام داینە و پشتى دەمەکى رێکخستنا وان دهێە ئاشکەرا کرن ژلایێ هندەک خو فروشان ڤە و شەهیدێ نەمر ل روژا 21-02-1980 دگەهیتە ناڤ رێزێن شورەشا گولانێ و لبارەگایێ لقى1 و پاشى دهێتە داخوازکرن ژلایێ سەروکێ پارتى ڤە بو ئیرانێ.
ل سالێن 1982-1983 ل سەر بێتەلا مەکتەبا سیاسى بو یە و ل سالێن 1985 -1986 دەورەکا کادرا تەمام کریە و دوو دیوانێن هەلبەستان یێن چاپ کرى هەنە (1-خوین و ئازادى 2- سمفونیا خەون و خەیالان).
لسالا (1989) لگوندێ شیف رەزانێ دگەل (5) هەڤالێن خو کو هەمى کادرێن پارتى بوینە بدەستێ PKK هاتینە گرتن و تا نهو ژى چارەنڤێسێ وان دیار نینە.
پلە : پ.م / کادر
http://www.pdk-leqa1.com/sd.php?id=2442
Dette produktet har blitt skrevet på et språk (کرمانجی - کوردیی سەروو), klikk på ikonet
for å åpne elementet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dette produktet har blitt sett 5,817 ganger