عەبدوڵڵا موعینی لە ڕۆژی چوارشەممە #14-04-1943# (24-01-1322 هەتاوی)دا لە گەڕەکی سەهۆڵخانەی شاری #مەهاباد# پێی ناوەتە سەر جیهان. عەبدوڵڵا سەردەمی منداڵیی خۆی لە باوەشی بنەماڵەیەکی شۆڕشگێر و پڕ حەشیمەت دا بەسەر بردووە. لە شاری مەهاباد، لە دوو فێرگەی سەعادەت و سەعدی دا دەورەی سەرەتایی خوێندنی بە ئاخر گەیاندووە و دەورەی ناوەندیشی لە خوێندنگەی محەمەدرەزاشا و پەهلەوی دا تەواو کردووە.
عەبدوڵڵا هەر لە سەرەتای گەنجی و لاوی دا سەرنجی داوەتە سەر خەباتی بێ وچانی سولەیمانی برا گەورەی و لە ڕێکخراوەی نهێنی دا چالاکی نواندووە. لە کۆ کردنەوەی یارمەتی ماڵی و ناردنی بۆ شۆڕشی کوردستانی باشوور دا مۆرە و تاکێکی هەڵسوڕاوی ماندونەناس بووە.
عەبدوڵڵا دوای وەرگرتنی دیپڵۆم، نەیتوانی درێژە بە خوێندن بدات، چونکە هێرشی کوتوپڕی دەزگای پۆلیس و ساواکی ئێرانی لە ساڵی 1343 ی هەتاوی، بۆ سەر بەدەنەی ڕێکخراوەی نهێنیی شارەکان و گیران و دەسبەسەر بوونی ژمارەیەکی بەرچاوی گەنج و لاوی کورد لە شارەکانی #سنە#، #سەقز#، #بۆکان#، مەهاباد، #شنۆ# و #نەغەدە# و گوندە کوردنشینەکانی ڕۆژهەڵاتی کوردستان، عەبدوڵڵا بە ناچاری وڵات جێدەهێڵێت و دەگەڵ چەندێک لە هاوڕێیانی ڕوودەکاتە ئەودیوی سنور و تێکەڵ بە هێزی شۆڕشگێڕی کوردستانی باشوور دەبێت. لە چالاکی پێشمەرگایەتی و بەتایبەت لە ڕونکردنەوە و بەرزکردنەوەی ورەی شۆڕشگێرانەی خەڵکی زەحمەتکێشی گوندەکانی ڕۆژهەڵاتی کوردستان، یەکدەم ناسرەوێت وخە باتی پیشمە ڕ گایە تی و سیاسی بە دل و گیان دە باتە پیش لە ڕیگایە ش دا جاریک بریندار دە بیت. بەڵام بەداخەوە لە گەرمەی هەنگاوی یەکەم و لە سەرەتا و دەسپێکی پێشمەرگایەتی و سازکردنی شانەی نهێنی لە نێو خەڵکی ئاواییەکانی ڕۆژهەڵاتی کوردستاندا هەواڵی شەهیدکردنی سولەیمان و چەندێک لە هاوڕێیانی پێ دەگاتەوە. شەهید بوونی سولەیمان و هاوڕێیانی نزیکی عەبدوڵڵا، ئەگەرچی زەربەیەکی دەردناک دەبێ، بەڵام عەبدوڵڵا و هاوسەنگەرانی خۆیان نادۆڕێنن و بە ڕوحێکی شۆڕشگێرانەوە خۆ بۆ خەبات قایمتر دەکەن. بەڵام بە هۆی ساوا بوونی هێزی سیاسی و بەتایبەت ئامادە نەبوون و لەبار نەبوونی هەل و مەرجی کۆمەڵگای ئەو سەردەمە و، سەربزێوی و خەیانەتی کەسانێکی خۆ بەدەستەوە دەر، لە جەولەیەکی پێشمەرگانەدا لە نزیک گوندی قالوێ لە مەڵبەندی گەورکایەتی، دەکەونە بەر هێرشێکی نابەرامبەری هێزەکانی دوژمن و لە شەڕێکی داسەپێندراو دا عەبدوڵڵا و مینە شەم ڕۆژی پێنج شەممە 20-06-1968 (30/3/1347 هەتاوی) شەهیددەبن.
تەرمی عەبدوڵڵا و مینە شەم دێتەوە ژاندارمەریی مەهاباد، بەڵام ساواک ئامادە نابێ تەرمەکان ڕادەستی کەس و کاریان بکاتەوە. دەڵێن فەرماندەی ژاندەرمەریی ئەو سەردەمەی مەهاباد (سەرهەنگ بابایی)گوتبووی کە تەنیا کەسێک کە دەتوانێ بۆ وەرگرتنەوەی تەرمی شەهیدەکان سەردانی ساواک بکات و ئەم ئەرکە ڕاپەڕێنێت، شێخ محەمەد معسوم، باوەڕپێکراوی حکومەتە و بەس. باوکی عەبدوڵڵا چەند کەسێک دەنێرێتە لای شێخ، بەڵام شێخ ناچێتە ژێر ئەو داواکارییە و خۆی لێ نادا. ساواک و ژاندارمەری تەرمی عەبدوڵڵا و مینە شەم دەنێرنە پادگانی #پیرانشار# و لە گۆڕستانێکی کۆنی ئەو شارۆچکەیە دا بە خاکیان دەسپێرن.
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 8,746 ganger
Skriv din kommentar om dette elementet!