بەهار حسەینیم لە دایک بووی ساڵی 1983 لە شاری #سەقز#ی ڕۆژهەڵاتی کوردستان لە زانکۆ لەبەشی زمان و ئەدەبی فارسی لیسانسم وەرگرتووەو خاوەن بڕوانامەی وێنەگریم لە سینەما لاوانی ئێران، چیرۆکێکم خەڵاتی دوهەمی وەرگرتووە لە فێستیڤاڵی چیرۆکانەی سپی لە ڕۆژهەڵات بە نێوی (ئەمی ئەو یا ئەوی ئەم)و شانۆنامەیەکم خەڵاتی وەرگرتووە لە دیاربەکر بەناوی (سەمای مێشک)و شێعرێکم خاوەن خەڵاتی یەکەمی فێستیڤاڵی کەڤالە لە #هەولێر#. ساڵی 2010 بە هۆکاری سیاسی ئێرانم بە یەکجاری بەجێهێشت و ماوەی پێنج ساڵ لە باشووری کوردستان و لە شاری هەولێر نیشتەجی بووم لەماوەی پێنج ساڵ لەبەشی فارسی ڕادیۆ دەنگی کوردستان لە هەولێر وەک بێژەر و نووسەری هەواڵ و قسەی ڕۆژ و شەوانی سێ شەممەیش بە خوێندنەوەی ڕۆمان لە بەشی کتێب باشترین هاوڕێ لەهەمان ڕادیۆ کارم کرد. لە هەولێر کۆمەڵە شێعرێکم بە ناوی پشیلەیەک لە جانتادا چاپکرد. شێعرەکان لە دونیایەکی ژنانە و دڕدۆنگییەکانی خۆم وەک ژنێکی شاعێری تەنیا لە کۆمەڵگای پیاوسالاردا و هزرە نەتەوایەتیەکانم دەدوان. دواتر و هەر لە باشووری کوردستان کتێبێکی دیکەم چاپ کرد بە ناوی باشترین ساڵی ژیانتان، کە وەڕگێڕانێک بوو لە فارسیەوە بۆ کوردی لە بواری دەروونناسیدا. پاشان ڕووم لە هەندەران کرد، ساڵەکانی یەکەمی پەنابەری کتێبێکی دیکەم بە ناوی چیرۆکی ناتەواو چاپ کرد کە وەرگێڕانێک بوو لە فارسیەوە بۆ کوردی.. ئەم کتێبە نوێیەم، چوارەمین کتێبی چاپ کراوی منە بە ناوی نەهەنگی 52 هێرتز. کۆمەڵە شێعرێکی کوردیە و پێکهاتووە لە 44 شێعر کە لە قۆناخی بۆ دووهەم جار پەنابەر بوونم نووسراون و باس لە هەست و ڕوانینی من دەکەن سەبارەت بە کۆمەڵگەی نوێی ئورووپا و خۆمێک وەک تاکی کورد و کێشە پەیوەندیدارەکان بە بێ وڵاتی و خەمۆکیەکی سەرلێ شێواو و ترسێک کە وات لێدەکات بەردەوام لە دووی هیوا بگەڕی و پەل بۆ هەر ڕۆشناییەک بکوتی بۆ ئەوەی لەسەر پێیەکانت بوەستی. ئەم کتێبەم لە هەزار نوسخەدا لە لایەن چاپخانەی زانا لە #سلێمانی# چاپ کراوە و کەسایەتی و شاعێری ناسراوی ڕۆژهەڵات کاک حەمەساڵەی سووزەنی پێشەکی لەسەرنووسیوە.[1]
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 7,477 ganger