یەکەم گرووپی مۆزیک لە #سلێمانی# لە ساڵی 1926 دامەزرا و لە 18عازف پێکهاتبوون، ئەوئامێرانەی هەیان بوو بەپارەی شانۆگەریی (نیرۆن) کڕیبویان کە لەلایەن قوتابییانی قوتابخانەی ئەوەڵەوە لە ماڵی شێخ باباعەلی لە ساڵی 1926 لەلایەن (کەریم زانستی و فوئاد ئەفەندی و یەحیا ئەفەندی) یەوە پێشکەشکرا. جا ناوی هەندێک لە عازفەکانی ئەو تیپە مۆزیکە ئەمانەبوون: شاکر فەتاح، عەلی عارفاغا، پترۆس ئەسکەندەر، فوئاد ساڵح قەفتان..هتد، ئەم گرووپەش بەسەرپەرشتی مامۆستایان عەبدول واحید نووری و فوئاد ڕەشید بەکر بوو. زیاتر لەکاتی ئاهەنگی قوتابییان و دیدەوانی وئیستعرازدا بەکار ئەهێنرا. پاشانیش لە چەند قوتابخانەیەکی وەک (فەیسلییەی سەرەتایی) و (ناوەندی سلێمانی) گرووپی مۆزیک درووست بوون.لەمەشدا ڕۆڵی برا ئەرمەنی و کریستیانەکان لەبیرناکرێت وەک (پەتراکی قوستاکی وسەرگیس سیمۆن و ڕۆبین ئۆفیک و ئسگیفان) . لە ساڵی 1947 لەسەر ڕاسپاردەی (حەناپترۆس) کە سەرۆکی یەکەم تیپی ئۆرکسترای ئێراق بووە یەکەم خولی فێربوونی هونەری مۆزیک لە سلێمانیدا کرایەوە.بەڵام یەکەم تیپی مۆزیک کە بەشێوەیەکی ڕێکخراو و تۆکمە بێت لە کوردستاندا، تیپی (مۆسیقای مەولەوی) ە کە لە ساڵی 1955 دامەزرا لەلایەن: #قادر دیلان# ، قادر کوردی، ولیەم یوحنا، نەجاتی عەبدە..هتد، کە ئاهەنگیان بۆ: سێوە، ڕەشۆل، #شەماڵ سائیب# ، #ڕەفیق چالاک# ، #تاهیر تۆفیق# ، #حەسەن زیرەک# ، #محەمەدی ماملێ# ، #عەلی مەردان# ، #فوئاد ئەحمەد# ، #قادر کابان# ..هتد سازداوە.
هەروەها لەساڵەکانی1962 بۆ 1963 #ئەنوەر قەرەداغی# و محەمەد حسێن و فرنسیس داود و خالید سەرکار و هاتنە تیپی مۆسیقای خانەی مامۆستایان، ئەمە هاندەر بوو بۆدرووستکردنی تیپی مۆسیقای سلێمانی لە ساڵی 1967دا، پاشان تیپی مۆسیقای سەر بەکۆمەڵی هونەر و وێژەی کوردی لقی سلێمانی دامەزرا. هەروەها ساڵی 1972 بەرابەری ئەنوەر قەرەداغی تیپی مۆسیقای زانکۆی سلێمانی دامەزرا. هەروەها ساڵی 1975 لە قوتابخانەی ئامادەیی کچان تیپێکی مۆسیقای ژنان دامەزرا....
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 10,878 ganger