خەندان هەستیار
لەماوەی دوو مانگدا 13 هەزار و 909 تابلۆی ئۆتۆمبێل دراوە بە هاوڵاتیان و سەدا 50ی ئەو تابلۆیانەش بە ئۆتۆمبێلی جۆری تایبەت دراوە.
نەقیب مەریوان محەمەد ئەمین، وتەبێژی بەڕێوەبەرایەتی گشتی هاتووچۆی سلێمانی بە (خەندان)ی ڕاگەیاند: لەماوەی دوو مانگدا بەڕێوەبەرایەتی هاتوچۆی سلێمانی 13 هەزار و 909 تابلۆی ئۆتۆمبێلی داوە بە هاوڵاتیان، ئاماژەی بەوەشکرد، کە 50%ی ئەو تابلۆیانەش دراوە بە ئۆتۆمبێلی جۆری تایبەت.
ناوبراو ئەوەشی خستەڕوو: لە ئێستادا بەردەوامن لە پێدانی تابلۆ بە هەموو جۆرەکانی ئۆتۆمبێل و لە سەرەتای ئەم مانگەشەوە ڕسوماتی ئۆتۆمبێل و گواستنەوەی خاوەندارێتی و نوێکردنەوەی ساڵانە بە ڕێژەی 5% زیادیکردوە، ئەو بڕە ڕسوماتە زیادکراوەش دەخرێتە سەر سندوقی چارەسەرکردنی نەخۆشیی شێرپەنجە لە هەرێمی کوردستان.
لەلایەکی دیکەوە، بەڕێوەبەرایەتی هاتوچۆی پارێزگای سلێمانی لە ئاگادارینامەیەکدا، سەرجەم ئەو خاوەن ئۆتۆمبێل و ماتۆڕە دەست بەسەرداگیراوانە ئاگادار دەکاتەوە کە تاکو ئێستا ئۆتۆمبێل و ماتۆرەکانیان لە گەراجی دەستبەسەرداگرتنە و مامەڵەی یاساییان بۆ نەکراوە بۆ وەرگرتنەوەیان و کاری یاسایی، لەماوەی مانگێکدا سەردانی بەڕێوەبەرایەتی هاتوچۆ بکەن بە پێچەوانەوە ئۆتۆمبێلەکانیان لە لایەن لیژنەیەکەوە هەڵدەوەشێنرێت.
- 03-03-2013
Dette produktet har blitt skrevet på et språk (کوردیی ناوەڕاست - Central Kurdish), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 5,913 ganger
Skriv din kommentar om dette elementet!