ئەمرۆ وەزارەتی دارایی فیدراڵ گەوەرەترین بودجەی عێراقی پەسندکرد کە بڕەکەی 174 ترلیۆن دینارە و هەرێمی کوردستانیش نزیکەی 21 ترلیۆن دیناری بەردەکەوێت.
د. فازل نەبیی بریکاری وزارەتی دارایی عێراق بە (خەندان)ی ڕاگەیاند: ئەمرۆ 19ی ئەیلولی 2013 لە دوا کۆبونەوەی خۆیدا وەزارەتی دارای عێراق بودجەی خەمڵێنراوی ساڵی 2014ی عێراقی پەسندکرد و پاشان ئاراستەی ئەنجومەنی وەزیرانی دەکات.
ئاماژەی بەوەشکرد : لە بودجەی خەمڵێنراوی 2014ی عێراق 110ترلیۆن بۆ بودجەی تەشغیلی و 64 ترلیۆن بۆ بودجەی وەبەهێنان تەرخان کراوە.
بریکاری وەزیری دارایی عێراق وتیشی: بودجەی ئەمساڵی عێراق دەگاتە 174 ترلیۆن دینارە، ئەمە لەکاتێکدا ساڵی ڕابردوو بودجەکە 138 ترلیۆن دینار بوو، بەمەش بودجەی 36 ترلیۆن زیادی کردووە.
سەبارەت بە بەشی هەرێمی کوردستان فازل نەبی وتی: بەشی هەرێمی کوردستان وەک خۆی سەدا 17 دەمێنێتەوە، واتا له و بودجەیە هەرێمی کوردستان نزیکەی 21ترلیۆن دیناری بەردەکەوێت، ئەویش 18ترلیۆن و 800ملیار دینار وەک بودجەی گشتی و نزیکەی 3 ترلیۆن وەک بودجەی حاکیمە.
#10-09-2013#