کۆمپانیای DNOی نەرویجی هاوکات لەگەڵ بەردەوامی کارەکانی لەهەڵکەندن و پەرەپێدانی کێڵگە نەوتیەکانی هەرێمی کوردستان ڕایدەگەیەنێت، هەست دەکرێت هەردوو چاڵی نەوتی تاوکێ لەسەر دەریایەک نەوتن.
هەولێر، ئاوێنەنیوز: لەراگەیەندراوێکدا کە کۆمپانیای DNO لەئۆسلۆ بڵاویکردووەتەوە، هاتوە، پاش لێدانی چاڵی ئاسۆیی تاوکێ-23، ڕۆژانە لەو چاڵە 32 هەزارو 500 بەرمیل نەوت بەرهەم هاتوە.
لای خۆیەوە سەرۆکی جێبەجێکاری کۆمپانیای DNO، بیژەن موسەوەر ڕەحمانی، ڕایگەیاندوە، کارایی هەر دوو چاڵی تاوکێ-20 و تاوکێ-23 وای لەکۆمپانیاکەمان کرد، ڕوانگە و چاوەڕوانی خۆی بۆ کێڵگەی تاوکێ بگۆرێت.
رونیشیکردەوە، "بەهەمو پێوەرێک هەردو بیرە نەوتەکە پڕن لەنەوت و پێدەچێت لەسەر دەریایەک لەنەوت بن".
سەرەرای بەردەوامی ناکۆکی نێوان حکومەتی هەرێم و بەغداد لەسەر نەوت و گرێبەستە نەوتیەکان، پەرەپێدان و کارکردن لەبواری نەوت لەشارەکانی هەرێم درێژەی هەیە.
پێشتر، ئاشتی هەورامی، وەزیری سامانە سروشتیەکانی هەرێمی کوردستان ڕایگەیاند، تاساڵی 2015، هەرێمی کوردەستان دەتوانێ یەک ملیۆن بەرمیل و تا ساڵی 2019ش دوو ملیۆن بەرمیل نەوتی خاو هەناردەبکات.
کۆمپانیای DNO لەکێڵگەی تاوکێ لەسەدا 55ی پشکەکانی هەیە و کۆمپانیای گەنەلیش لەسەدا 25و حکومەتی هەرێمی کوردستانیش لەسەدا 20 ی پشکەکانی لەئەستۆدایە.
- 14-10-2013
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 7,977 ganger
Skriv din kommentar om dette elementet!