دوای ڕووداوەکانی مووسڵ و ناوچەکانی نزیک سنووری هەرێمی کوردستان، بەهۆی داڕووخانی سوپای عێراقییەوە بۆشاییەکی سەربازی و ئەمنی هاتەکایەوە و ژمارەیەکی زۆری هاووڵاتیانی پارێزگەی نەینەوا ئاوارە بوون و ڕوویان لە ناوچە ئارامەکانی ژێر کۆنتڕۆڵی پێشمەرگە کرد.
بۆ پاراستنی خەڵکی کوردستان و پێکهاتە ئیتنی و ئاینییەکان و پاراستنی دامودەزگەی گشتی و پڕکردنەوەی ئەو بۆشاییە، هێزی پێشمەرگەی کوردستان چووە ئەو ناوچانەی کە سوپای عێراق لێیان کشاوەتەوە.
داوا لە هێزەکانی پێشمەرگە و ئاسایش دەکەم زۆر بە وریاییەوە سنوورەکانی کوردستان و سەروماڵی خەڵکی ئەو ناوچانە و دەزگا گشتییەکان بپارێزن و ڕێگە بە هیچ سەرپێچی و سنووربەزاندنێک نەدەن.
گەلەکەشمان دڵنیا دەکەینەوە کە هێزی پێشمەرگەی کوردستان و دەزگە ئەمنییەکانی هەرێم بەهیچ شێوەیەک ڕێگە نادەن ئارامی و ئاسایشی کوردستان بکەوێتە بەر مەترسی.
مسعود بارزانی
سەرۆکی هەرێمی کوردستان
13-06-2014
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 5,486 ganger
Skriv din kommentar om dette elementet!