هێڤی خالید
سەرۆکی سەندیکای کرێکارانی بیناسازی لە سلێمانی ڕایدەگەیەنێت، لەم هەفتەیەدا دوو کرێکار گیانیان لەدەستداوە و جەختیش دەکاتەوە لەوەی ئەمە لەکاتێکدایە کە بەشێکی زۆری کرێکاران لەهەرێمی کوردستان بێکارن.
عوسمان حمە سەعید، سەرۆکی سەندیکای کرێکارانی بیناسازی لە سلێمانی لە لێداونێکی تایبەت بەخەندان ڕایگەیاند: "ئه و دوو کرێکارەی ئەم هەفتەیە لە سلێمانی گیانیان لەدەستداوە، ناویان (مالیک دەحام عەبدوڵڵا) تەمەن 42 ساڵ و (مستەفا عومەر قادر) تەمەنی 42 ساڵە، هەردووکیشیان خێزاندارن".
وتیشی: کرێکاری یەکەمیان بەهۆی تەزووی کارەباوە لەکاتی کارکردن لە قەزای چەمچەماڵ، 14ی ئەم مانگە و کرێکاری دووەمیشیان 17ی ئەم مانگەدا لە گوندی (کانی بی) لەکاتی بیرهەڵکەندا گیانیان لەدەستداوە.
بەوتەی عوسمان حمە سەعید، " لە ماوەی هەشت مانگی ڕابردوو لەسنوری پارێزگای سلێمانی ژمارەی ئه و کرێکارانەی گیانیان لەدەستداوە ئەمساڵ تا ئێستا گەیشتە (27) کرێکار".
بەهۆی ئه و قەیرانە داراییەی هەرێمی کوردستان گرتۆتەوە، هاوکات شەڕی هێزی پێشمەرگەی کوردستان لەگەڵ ڕێکخراوی بەناو ئیسلامی (داعش)، ژمارەیەکی زۆر لە کۆمپانیاکانی هەرێمی کوردستان کارەکانیان ڕاگرتووە و کرێکارەکانیشیان ناردۆتەوە بۆ ماڵەوە، به و هۆیەشەوە بەشێکی زۆر کرێکار لەهەرێمی کوردستان بێکاربوون.
بەپێی ئامارێکی یەکێتی وەبەرهێنان، زیاتر لە (85)هەزار کرێکار لەهەرێمی کوردستان لە ئێستادا بێکارن، له و کرێکارانەی لە کۆمپانیاکانی کەرتی تایبەت کاردەکەن.
- 18-09-2014
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,592 ganger
Skriv din kommentar om dette elementet!