رەهێڵ سەمەد
دوای ئەوەی لە شەش مانگی کۆتایی ساڵی ڕابردوو هەرێم ڕووبەڕووی شەڕی داعش بوەوە، وەزارەتی کاروباری شەهیدان ناوی بەشێک له و شەهیدانە تۆمار دەکات کە له و شەڕە شەهید کراون و بۆ ئه و مەبەستەش دوو لیژنەی پێکهێناوە.
فوئاد عوسمان وتەبێژی وەزارەتی کاروباری شەهیدان و ئەنفالکراوەکان بە خەندانی ڕاگەیاند: "لەبارەی پرسی تۆماری نوێ و پێداچوونەوە به و دۆسێیانەی کە کەسوکاری شەهیدان سکاڵایان لەسەری تۆمار کردبوو وەزارەتی کاروباری شەهیدان و ئەنفالکراوان دوو لیژنەی پێکهێناوە، یەکێکیان بۆ تۆماری نوێ و ئەوەی تریش بۆ سکاڵا".
عوسمان وتیشی: "هەرچەندە کاری لیژنەکان بەهۆی ئاڵوگۆڕی کابینەی حکومەتی هەرێمی کوردستان لەماوەی ڕابردوو کەمێک دواکەوت لەگەڵ ئەوەشدا ئه و لیژنانە بەجددی دەستبەکار بووە و بەردەوامییان بە کارەکانیان داوە".
وتەبێژەکەی وەزارەتی کاروباری شەهیدان ئەوەشی خستەڕوو: "لە شەش مانگی دووەمی ساڵی ڕابردوو لیژنەکەیان 470 دۆسێی تۆماری نوێی تەواو کردووە، دوای تەواوکردنی فەرمانیان بۆ دەرچووە وەکو شەهید بە هەر سێ جۆرەکەی سەنگەر و جینۆساید و هاوڵاتی تۆمار کراون، 179 دۆسێی سنووری پارێزگای هەولێر و 39 دهۆک و 252 سلێمانی بووە".
ئەوەشی ڕوونکردەوە کە 206 دۆسێ دوای لێکۆڵینەوە بۆیان دەرکەوتووە کەموکوڕی تیادا بووە، بۆیە ئاراستەی وەزارەتەکان کراوەتەوە تاکو تەواو بکرێت و بدرێتەوە لیژنە تاکو تۆمار بکرێن.
هەروەک بەرپرسانی وەزارەتی کاروباری شەهیدان ئاماژەی بۆ دەکەن ئه و ژمارەی وەک شەهید تۆمار کراون زیاترە لەوەی هەیە، چونکە پێشتر وەزارەتی پێشمەرگە ڕایگەیاندبوو له و شەڕەدا جگە لە هاوڵاتی ئاستیی، نزیکەی 800 پێشمەرگە شەهید بوون.
- 01-01-2015
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 8,261 ganger
Skriv din kommentar om dette elementet!