دوای ئه و سەرکەوتنە مەزنانەی لە دوو ڕۆژی ڕابردوودا بە دەست و بازووی پێشمەرگەی کوردستان لە نزیک بەنداوی مووسڵ تۆمار کرا، ئەمڕۆ هەینی 23ی 1ی 2015 ئاگری بۆردومانی هێزی پێشمەرگەی کوردستان گەییشتە بنکەکانی داعش لەناو شاری موسڵ و تۆپخانە و هێزی مووشەکیی پێشمەرگە بە چڕی مۆڵگە و بارەگاکانی تیرۆریستانی داعشیان لەناو شاری موسڵ کە ناوەند و بارەگای سەرەکیی ڕێکخراوی تیرۆریستیی داعشە بۆردومان کرد و زیانێکی گەورەیان بە تیرۆریستانی داعش گەیاند.
سەرکەوتنی پێشمەرگە و ئاگربارانی ئەمڕۆی تۆپخانە و مووشەکی هێزەکانی پێشمەرگە ترسێکی گەورەی خستۆتە ناو دڵی تیرۆریستان و ورەیان زۆر بە توندی دابەزیوە.
جەماوەری خۆشەویستی کوردستان لەوە دڵنیا دەکەینەوە کە لەهەر شوێنێک داعشی لێ بێت و هەر مۆڵگە و بنکە و بارەگایەکیان کە لە هەر کوێ بێت لە ئاگری پێشمەرگە پارێزراو نابێت و دەستی پۆڵایینی پێشمەرگە تێکوپێکیان دەشکێنێت.
هەر لە درێژەی ئۆپەراسیۆنی سەرکەوتووی هێزی پێشمەرگە ئەمڕۆ 23ی 1ی 2015 پێشمەرگە قارەمانەکان توانیان گوندەکانی شندۆخا و قادسیەیش لە تیرۆریستانی داعش ڕزگار بکەن و زیانێکی گەورە بە تیرۆریستانی داعش بگەیێنن.
سەرکەوتن بۆ پێشمەرگە و گەلی کوردستان.
شکست و سەرشۆڕی بۆ تیرۆریستان و دوژمنانی کوردستان.
سەرچاوەیەکی باڵای سەربازی لە میحوەری ڕۆژهەڵات و ڕۆژئاوای دیجلە
2015/1/23
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 9,234 ganger
Skriv din kommentar om dette elementet!