لە سەرەتای مانگی کانوونی دووەمەوە تا سەرەتای مانگی شوباتی ئەمساڵ لیژنە هاوبەشەکانی قایمقامیەتی سلێمانی 26 شوێنیان بەهۆی سەرپێچییەوە داخستووە و ژمارەیەکی تریش ڕووبەڕووی سزای یاسایی کراونەتەوە.
بەپێی ئامارەکە کە وێنەیەکی بۆ خەندان نێردراوە، تیایدا هاتووە: "لە 1-1 تا 31-1-2014، لەپێناو پاراستنی تەندروستی هاوڵاتیان و ڕێگرییکردن لە سەرپێچییەکان لیژنەکان دوو هەزار و 985 شوێنیان بەسەرکردووەتەوە و بەوردی بەدواداچوونیان کردووە بۆ جێبەجێکردنی مەرج و ڕێنماییەکان و لە کۆی ئه و شوێنانەی کە بەسەرکراونەتەوە 319 شوێن بەهۆی وەک پێویست پابەند نەبوونیان بە مەرج و ڕێنماییەکانەوە پسوڵەی سەرپێچیان بۆ کراوە و 26 شوێنیش بەهۆی جۆری سەرپێچییەکانیانەوە بڕیاری داخستنیان دراوە یەک شوێنیش ڕووبەڕووی دادگا کراوەتەوە.
بەپێی ئامارەکەی لیژنە هاوبەشەکانی قایمقامیەتی سلێمانی لە مانگی کانوونی دووەمدا 13 تەن و 98 کیلۆگرام خواردن و مەوادی بەسەرچوو و زیان بەخش پاش دەست بەسەراگرتنی لەناو براوە.
هەروەها بڕی ئه و غەرامانەی کە لەئەنجامی سەرپێچی شوێنەکان کراوە بڕی 23 ملیۆن و هەزار دینارە و بەپێی یاسا و ڕێنماییەکانیش ئه و پارەیە دەچێتە سەر داهاتی گشتی.
- 11-02-2015
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 3,371 ganger
Skriv din kommentar om dette elementet!