چەندین بیناو خانوی کۆن و ئاسەوار لەکفری دەڕوخێنرێت، دواین بینا کە ڕوخێنرا، بینای پۆلیسی کۆن بو، بەڕێوەبەری شوێنەواری گەرمیانیش دەڵێت "هەرچەندە چەندین نوسراومان کردوە بۆ سەروی خۆمان گوێمان لێناگیرێت".
تایبەت، ئاوێنەنیوز: لەوبارەیەوە بەڕێوەبەری شوێنەواری گەرمیان شکور حەمەی هەیەر بۆ ئاوێنەنیوز وتی "ئەوە بینای پۆلیس بوە، بەڵأم زۆر کۆن نییە، هەرچەندە ئەوە حکومەت لەهەشتاکانەوە فرۆشتویەتی و ئێستا موڵکی خەڵکە".
وتیشی "ئه و بینایە پێویستی بەنۆژەنکردنەوەی بەپەلە هەبو، چونکە لەپشتەوەی ئه و بینایە ماڵی خەڵکی تێدایە، بۆیە ئه و بینایە هەرەسی هێنابوو مەترسی ڕوخانی لێدەکرا".
لەبارەی ڕێگریکردنی شوێنەواری گەرمیان لەروخاندنی ئه و بینایە، شکور هەیەر وتی "ئێمە چەند نوسراوێکمان بۆ سەرەوەی خۆمان و شارەوانی گەرمیان بەرزکردەوە کە ئه و بینایە لەبەرامبەر پارچەیەک زەوی لەخاوەنەکەی وەربگیرێتەوە کە خاوەنەکەی ڕازی بو، بەڵام زەوییەکەی بۆ دابیننەکرا، بۆیە ئێمەش هیچ دەسەڵاتێکمان نەبوو کابرا ڕوخاندی".
ئه و بەرپرسەی شوێنەواری گەرمیان وتیشی "چەند ساڵە هاوار دەکەین کە چەندین بیناو خانوی کۆن و ئاسەوار لەکفری هەیه و خەڵکی تێدا نیشتەجێیە، زەوییان پێبدرێت و نەڕخێندرێت، بەڵام گوێمان لێناگیرێت".
لەماوەی سێ ساڵی ڕابردودا چەندین بینای کۆن و ئاسەواری ئه و شارە ڕوخێنراوه و حکومەتی هیچ قسەیەکی لەسەر نەکردوە.
کفری یەکێکە لەقەزاکانی سەر بەئیدارەی گەرمیان و تەمەنی شارەکە زیاتر لە400 ساڵه و زۆربەی بیناو خانوەکانی چونەتە بواری ئاسەوارو کەلتورییەوە.
- 03-04-2015
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 15,015 ganger
Skriv din kommentar om dette elementet!