دواڕۆژ، کۆچەر عەلی
سەرپەرشتیاری تیمی ڕاگەیاندنی حاجیانی هەرێم ئاماژە بەوەدەکات "دوای زیاتر لە مانگێک مانەوە لە سعودیە و تەواوکردنی فەریزەی حەج، بڕیارە سبەی شەممە 17ی ئەیلولی 2016 یەکەم کاروانی حاجیانی هەرێم بگەنەوە فڕۆکەخانەی هەولێر" ئاماژەی بەوەشدا "لەمساڵدا حاجیانی هەرێم 1 ملیۆن و 300 هەزار دۆلاریان لە سعودیە بۆ کڕینی دیاری خەرجکردوە".
مەریوان نەقشبەندی، سەرپەرشتیاری تیمی ڕاگەیاندن و بەرپرسی پەیوەندیەکانی حاجیانی هەرێم لە سعودیە بە دواڕۆژی ڕاگەیاند "بەپێی لیستی فڕۆکەوانی کە وەزارەتی گواستنەوەی عێراق بۆی ناردووین و دوای زیاتر لە مانگێک مانەوە لە سعودیە و تەواوکردنی فەریزەی حەج، بڕیارە سبەی شەممە 17ی ئەیلولی 2016 یەکەم کاروانی حاجیانی هەرێم بگەنەوە فڕۆکەخانەی هەولێر و لە ماوەی 8 ڕۆژیشدا سەرجەم حاجیان دەگەنەوە هەردوو فرۆکەخانەی هەولێر و سلێمانی".
وتیشی "حاجیان لەگەڵ گەڕانەوەیاندا وەک نەریتێک دیاری و کەلوپەل لەگەڵ خۆیاندا دێننەوە بۆ کوردستان و بەسەر خزم و دراوسێکانیان دابەشیدەکەن، بۆ ئەم مەبەستە ئەمساڵ حاجیانی هەرێم زیاتر لە 200 تەن دیاری و کەلوپەل لەگەڵ خۆیان دێننەوە بۆ کوردستان کە بایی نزیکەی یەک ملیۆن و سێسەد هەزار دۆلار دەبێت".
مەریوان نەقشبەندی ڕاشیدەگەیەنێت "گرنگترین ئەو دیاریانەی حاجیان دەیهێننەوە، خورمای مەدینە و ئاوی زەمزەمە کە نزیکەی نیوەی کۆی گشتی دیاری و کەلوپەلەکانی حاجیان پێکدێنن".
ناوبراو ئاماژەی بەوەشکرد "ئەم بڕە دیاری و کەلوپەلانەی حاجیانی ئەمساڵ دەیهێننەوە زۆر کەمترە بەبەراورد لەگەڵ ساڵانی پێش قەیرانی دارایی کوردستان".
- 16-09-2016
Dette produktet har blitt skrevet på et språk (کوردیی ناوەڕاست), klikk på ikonet
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 8,245 ganger
Skriv din kommentar om dette elementet!