دواڕۆژ، ڕێبین حەسەن
لەساڵی 2016، لەسنووری قەزای پێنجوێن و دەوروبەری زیاتر لە (480) ڕووداوی جیاواز لەلایەن پۆلیسی قەزاکەوە تۆمارکراون و بەبەراوردیش بەساڵی 2015، تاوان و ڕووداوەکان کەمیانکردووە.
بەپێی ئامارێکی بەشی بەڕێوەبەرێتی پۆلیسی پێنجوێن، کە وێنەیەکی تایبەت دەست دواڕۆژ، کەوتووە، لەماوەی ساڵی ڕابردوودا و لەسنووری قەزاکە و هەردوو ناحیەی ناڵپارێز و گەرمک، بەشێوەیەکی گشتی (481) ڕووداوی جیاواز تۆمارکراوە.
هاوکات هەر بەپێی ئەو ئامارە تایبەتە، ڕووداوەکانی کوشتن و خۆکوشتن و دزیکردن و سوتان هەبووە کە لەوانە (43) حاڵەتیان دزیکردن و (چوار) حاڵەتی کوشتن و دوو حاڵەتی خۆکوشتنیش هەبووە.
ئەوەشخراوەتەروو "پێنج حاڵەتی مردنی قەزاوقەدەر ڕوویانداوە و ئەوانی تریش شەڕکردن و ڕووداوی ڕۆژانە بووە".
لەلایەکی ترەوە بەپێی ئامارەکەی پۆلیسی پێنجوێن، لەساڵی 2015دا 693 پەڕاوی تۆمارکردنی و تاوان ڕووداوەکان لەسنورەکەدا هەبوە، بەو پێیەش ڕووداوەکان لەساڵی 2016 بەبەراورد بەساڵی 2015 زۆر کەمیان کردووە.
- 04-01-2017