دواڕۆژ، ڕێبین حەسەن
لەساڵی 2016دا زیاتر لە(500) هەزار تەن لەبەرهەمە خۆراکییەکان، لەرێگای دەروازەی مەرزی نێودەوڵەتی باشماخەوە، هاوردەی هەرێمی کوردستان کراون و بڕێکی زۆر خۆراکیش بەهۆی خراپی و بەسەرچوونی ماوەی بەرهەمهێنان و بەکارهێنانیان، کاری لەناوبردن و گەڕاندنەوەیان بۆ کراوە، هاوکات هەر لەو ساڵەدا، زیاتر لە(500) هەزار تەن، لەبەرهەمە کشتوکاڵییەکان، هاوردەی هەرێم کراون.
لەوبارەیەوە و بەپێی ئامارێکی هۆبەی کەرەنتینەی کشتوکاڵی مەرزی باشماخ کە وێنەیەکی تایبەت دراوەتە دوارۆژ هاتووە، لەساڵی ڕابردوودا و لەرێگەی مەرزی نێودەوڵەتی باشماخەوە، خواردەمەنی لەجۆرەکانی (گوێز، بادام، بستە و ماست) و دەرمان، بەبڕی (513) هەزار و (833) تەن هاوردەی هەرێمی کوردستان کراون و لەو بڕەش (1148) تەن کاری گەڕاندنەوەی بۆ وڵاتی ئێران و (145) تەنی دیکەش کاری لەناوبردنی لەرێگەی لیژنەی تایبەتەوە بۆ ئەنجامدراوە.
بەپێی ئامارەکە، هەر لەساڵی ڕابردوودا، لەمەرزی نێودەوڵەتی باشماخەوە، بەرهەمی کشتوکاڵی وەک (سەوزە، میوە، وشکە و پەینی کیمیایی) کە هاوردە کراون بڕەکەی بریتی بووە لە(500) هەزار و (959) تەن و توانراویشە بڕی (451) تەن بگەڕێندرێتەوە خاکی ئێران و (133) تەنیش لەناوبراوە.
لەکۆتایی ئامارەکەی هۆبەی کەرەنیتنەی کشتوکاڵی باشماخ هاتوە، هاوکات لەو ساڵەدا، بڕی هەناردەکردنی چەند بەرهەمێکی کشتوکاڵی لەهەرێمەوە بۆ وڵاتی ئێران بریتی بووە لە (389) تەن.
- 10-01-2017
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 4,576 ganger
Skriv din kommentar om dette elementet!