لە زنجیرە کۆبوونەوە هاوبەشەکانی هەردوو مەکتەبی سیاسی، بە ئامادەبوونی بەڕێز سەرۆک مەسعود بارزانی و بەڕێز کۆسرەت ڕەسوڵ، شاندی هەردوو مەکتەبی سیاسی یەکێتی نیشتمانی کوردستان و پارتی دیموکراتی کوردستان لە ڕێکەوتی 23ی 4ی 2017 کۆبوونەوە و چەندین بابەتیان خستە بەرباس و گفتوگۆکردن.
تەوەری یەکەم/ سەرەتا باس لە هەوڵ و کۆششەکانی هەردوولا کرا سەبارەت بە چارەسەرکردنی کێشە و قەیرانەکانی لە کوردستان دروستبوون و جەخت لەسەر پاڵپشتیکردنی حکومەت و دامودەزگاکان کرایەوە بۆ باشترکردنی باری گوزەرانی خەڵک لەهەموو ڕووەکانەوە، هەروەکو باسی هەوڵەکانی وەفدی هاوبەشی هەردوولا کرا بۆ هێورکردنەوەی ئه و بارە گرژەی کە سەبارەت بە بڕیارەکانی ئەنجوومەنی پارێزگای کەرکووک لە بەغدا دروستببوو.
تەوەری دووەم/ هەردوولا جەختیان لەسەر ئەنجامی کۆبوونەوەکانی پێشوو و ئەولەویەتەکانی کەلەسەری ڕێککەوتبووین کردەوە، بەتایبەتی:
أ. پێکهێنانی لیژنەی تایبەت بە پرۆسەی ڕیفراندۆم و دەستنیشانکردنی وادەی ئەم پرۆسە گرینگە.
ب. چۆنیەتی کاراکردنەوەی پەرلەمانی کوردستان، بەشێوازێک کە لەخزمەت پرۆسەی ڕیفراندۆم و سەربەخۆیی و یەکڕیزی نیشتمانیدا بێت.
تەوەری سێیەم/ پڕۆژە (نەخشە ڕێگا)ی یەکێتی نیشتمانی کوردستان، دوای دیراسەکردنی لەلایەن پارتی دیموکراتی کوردستان گفتوگۆی هەمەلایەنەی لەسەربکرێت و وەڵام بدرێتەوە.
پارتی دیموکراتی کوردستان
یەکێتی نیشتمانی کوردستان
23-04-2017
Dette produktet har blitt skrevet på et språk (کوردیی ناوەڕاست), klikk på ikonet
![](https://www.kurdipedia.org/images/flags/ku.png)
for å åpne elementet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dette produktet har blitt sett 4,194 ganger
Skriv din kommentar om dette elementet!